Qaytarma (ansambl)
Qaytarma — devlet qırımtatar halq oyunı ansambli, eñ eski qırımtatar bediiy taqımı[1].
Ansamblniñ tarihı
deñiştirAnsambl resmiy olaraq 1939 senesi[2] açılğan, amma taqımnıñ iştirakçıarı aytqanına köre, 1936 senesi Aqmescitte teşkil etilgen «Qırımtatar yır ve oyun ansambli»[3] onıñ temeli olğan. 1944 senesi qırımtatarlar sürgün etilgen soñ ansambl qapatıldı ve tek 1957 senesi Taşkentte (Özbekistan)[4] ğayrıdan açıldı. Taqım adında «qırımtatar» sözü yasaq olğanı içün, ansablni qırımtatar halq oyunı şerefine «Qaytarma» olaraq adlandırdılar[5].
Bestekâr İlyas Bahşış ansamblniñ birinci bediiy reberi oldı. Birinci oyunlarnı Akim Cemilev, Üsein Baqqal, Enver Aliyev sanağa qoydılar. Birinci kontsert 1957 senesi iyünniñ 6-da Taşkent devlet filarmoniyasında berildi.[6]
1970–1978, 1989–1993 seneleri ansamblniñ bediiy reberi Fevzi Belâlov edi. 1987 ansambl yanında «Efsane» taqımı peyda oldı.
Fevzi Belâlovdan soñ ansamblniñ bediiy reberi Ukraina nam qazanğan artisti Refat Aşırov oldı.
Ansambl taqımı
deñiştirSoñki 15 yıl devamında ansamblniñ bediiy reberi — Tacikistan halq artisti, Ukrainada nam qazanğan artist Remziye Baqqal-Tarsinova.
Ansamblniñ dirijorı — Ukraina nam qazanğan artisti, Özbekistanda nam qazanğan medeniyet erbabı Refat Aşırov.
Ansamblde 50 artist bar — oyun ve muzıka taqımları, yırcılar.
İhtarlar
deñiştir- ↑ «Хайтарма» исполнилось 55 лет 16 martnıñ 2012 s. arhivlengen. [Arhivlengen 16 березня 2012 у Wayback Machine.]. Інтерв'ю Ремзіє Баккал для Къырым. 13.03.2012
- ↑ Веб-сторінка ансамблю «Хайтарма» 19 aprelniñ 2012 s. arhivlengen. [Arhivlengen 19 квітень 2012 у Wayback Machine.] на сайті Кримської державної філармонії
- ↑ «Хайтарма» исполнилось 55 лет 16 martnıñ 2012 s. arhivlengen. [Arhivlengen 16 березня 2012 у Wayback Machine.]. Інтерв'ю Ремзіє Баккал для Къырым. 13.03.2012
- ↑ Веб-сторінка ансамблю «Хайтарма» 19 aprelniñ 2012 s. arhivlengen. [Arhivlengen 19 квітень 2012 у Wayback Machine.] на сайті Кримської державної філармонії
- ↑ Ансамбль «Хайтарма» (1957) 55 лет со дня образования 9 mayısnıñ 2012 s. arhivlengen. [Arhivlengen 9 травень 2012 у Wayback Machine.] Кримськотатарська бібліотека імені Ісмаїла Гаспринського
- ↑ Ансамбль «Хайтарма» (1957) 55 лет со дня образования 9 mayısnıñ 2012 s. arhivlengen. [Arhivlengen 9 травень 2012 у Wayback Machine.] Кримськотатарська бібліотека імені Ісмаїла Гаспринського
Edebiyat
deñiştir- С. Абдурахманова. Миллетимиз Къырымда «Хайтарма» ансамблине янъы омюр бере билирми? : / С. Абдурахманова // Къырым. — 31.03.2010. — С. 3. (крим.)
- Р. Фазил. Халкъ хызметинде : («Къайтарма» ансамблининъ 30 йыллыгъына) / Р. Фазыл // Ирмакълар. Эдебий макъалелер, очерклер, хатырлавлар, левхалар. — Сімферополь, 2002. — С. 433–442. (крим.)