Open main menu

Vikipediya β

Camala (kerçek adı Susana Camaladinova; 1983 senesi avgust 27-de Qırğızistandaki şeerinde doğ.) – Ukrainalı belli professional yırcı, bestekâr, öz müellif muzıkasınıñ icracısı, aktrisa. Soul, fank, caz, folk, pop, gospel ceryanlarında çalışa bile.

Camala
portrait
Doğğan künü: 1983 avgust 27(1983-08-27) (34 yaşında)
Doğğan yeri: , Qırğızistan ŞSC
Memleketi: Flag of the Soviet Union.svg Şuralar Sotsialistik Cumhuriyetler Birligi
Flag of Ukraine.svg Ukraina
Milleti qırımlı
Zenaatı yırcı, bestekâr, aktrisa
Saytı: jamalamusic.com
Commons-logo.svg Camala Wikimedia Commons saytında

Münderice

TercimeialEdit

Susana Camaladinova Qırğızistannıñ şeerinde qarışıq ailede dünyağa keldi: babası – Alim Camaladinov, qırımlı, anası – Galina Tumasova, ermeni; ekisi de muzıkalı insanlar olıp, öz eki qız evlâtlarına (Evelina, büyügi, ve Susana, kiçigi) muzıkağa sevgi duyğusını balalıqtan aşlaydılar. Babası, qırımlı olıp, Qırımğa mıtlaq qaytmaq içün yollar qıdıra edi, lâkin Qırımğa birden köçamayip (o vaqıtları qırımtatarlarnıñ propiskasını yapmay ediler), baştaları qorantasınen Melitopolde yerleşeler. Anda da Qırımğa qaytuv aqqında öz tüşüncelerini bir daqqağa bile qaldırmayıp, Susananıñ anası-babası fiktiv ayırılışuv kerekligine qararına keleler. Şay, Susananıñ anası Küçük Özen köyüne kelip, öz adına bir evçikni satın ala. Böyleliknen, Susana ekinci sınıfta oquğan vaqtında, qorantası ne ise Qırımğa köçe. Tap balalıqtan Susana öz ömrüni yırğa, sanağa bağıslaycağını bile edi. Aluştadaki muzıka mektebini fortepiano sınıfında bitirip (çünki vokal sınfı yoq edi), soñra Çaykovskiy adına Aqmescitteki muzıka oquv yurtuna, daa soñra Kiyevdeki Çaykovskiy adına milliy muzıka akademiyasınıñ opera vokalı fakultetinine kire ve muvafaqqiyetnen bitire.

O vaqıttan berli bugüngece Susana Kiyevde yaşay.

İcadıEdit

2009 senesi Latviyanıñ Yurmala şeerinde er yıl keçirilgen yaş icracılarnıñ halqara "Yañı dalğa" yarışında Camala iştirak ete. Birinci kününden ve bütün konkurs devamında Camala öz fevqulâde sesinen ve pek özgün çıqışlarnen em seyircilerini, em jüri azalarını büyük bir ayrette qaldırıp, baş Gran-Pri mukâfatını elde etti. Camalanen beraber Gran-Prini paylaştıra da biri – indoneziyalı yırcı Sandi Sondoro (ingl.).

2010 s. "Aqiqiy ikâye al yelkenlerçün" adlı yılbaş filminde Camala "Gemici, tüyümlarni qattıca bağla" yırnı icra ete[1].

Yanvar 2012 senesi "1+1" telekanalnıñ efirinde "Yıldızlar operada" degen yayın çıqa. Yedi afta devamında keçirilgen şounıñ neticesinde Camala Vlad Pavlük ile ğalebe qazanalar[2].

2012 senesi Yevro 2012 azırlanuv vaqtında UEFAnıñ Ukraina filialı "Yevronıñ resmiy dostu" olmaq ve mahsus Çempionat içün bir kompozitsiya yazmaq kereginen Camalağa teklif eteler. Camala mahsus bu turnirçün "Goal" degen yırnı yaza[3].

Yazda 2014 senesi Camalanı Yurmalanıñ "Yañı dalğa"sına davet eteler. Müsbet qarar berip, konkursnıñ açılış künü ingliz tilinde Kristina Agileranıñ "Beautiful" yırnı icra ete ve çıqışınıñ başında Camala özünden bir qaç satırlar qoşa: "No war in the world//No war in Ukraine, because..." – "Cenkke yoq deymiz, cunki... biz acayipmiz"[4].

2014 senesi dekabr 12 künü Kievdeki "Stereo Plaza" klubunda Camalanıñ beş yıllıq icadınıñ eñ balaban kontserti ötkerildi. Qırım ve Donbastan köçip kelgenler içün Camala bedava 1500 bilet ayırdı[5]. Sanada Camalanen beraber "Apache Crew" degen "street dancer"ler de bulundı, olar öz çeşit-çeşit areketlernen "Perfect Man", "Thank You" kibi yırlarnı yaraştırdılar. Kontsertniñ soñunda Camala Armen Kostandyan degen duduk çalğıcısınen ile Ukraina gimni icra etkenler; çıqıştan evel Camala Ukraina gimni onıñ içün endi bir şahsiy yır olğanını aytqan. Gimn devamında sana artında sarı ve kök tüslerde yarıqlanğan "Camala" yazısı olıp turdı.

Camala, "Hayırluvlar andan-mından" proektinde iştirak etip, müim manalı Viktor Tsoyniñ "Denişuvler" degen yırnen ukrainlerniñ kelecek 2015 yılnen hayırladı ve can-yürekten tınçlıq, sevgi tiledi[6].

2015 sene keleyatqan Yañı yıl gecesi Camala "Tet" telekanalında "Eñ güzel yıl kontserti" degen yayınında "Zaplutalas" ve "Thank You" yırlarnıñ icra ete. Em de bu gece "Ukraina" telekanalında taqdim etilgen Maksim Papernikniñ "Alisa mücizeler ülkesinde"[7] müziklınde Camala acayip tırtır rölni oynadı ve Gennadiy Krupniknen yazılğan "Sade ve yengil" degen yırnı icra etti[8].

DiskografiyaEdit

Studiya albomlarıEdit
Canlı albomlarEdit
  • Live At Arena Concert Plaza (concert DVD), 2012
Vinil disklerEdit
  • All or Nothing, 2013

SingllerEdit

VideokliplerEdit

FilmografiyaEdit

DuetlerEdit

BağlantılarEdit

AtıflarEdit