Zeytün Qoş

Zeytün Qoş — Qırım dağları baş sırasınıñ merkeziy parçasında bulunğan dağ töpesi. Qırım dağlarınıñ üçünci eñ yüksek töpesidir. Roman Qoş, Demir Qapı, Kemal Egerek, Buynuz Töpe, Uçurım Qaya kibi töpelerden farqlı olaraq, Babuğan yaylasınıñ cenübiy şarq caplarında buluna. Şunıñ içün Zeytün Qoş töpesinden Qara deñiz körüne.

Zeytün Qoş
Dağ sırtı	Qırım dağları
Devlet	Ukraina
İçinde bulunğan idariy birlem	Qırım
Медиафайлы на Викискладе

Yüksekligi — 1534 m (Roman Qoştan 11 m alçaq). Zeytün Qoşnıñ yüzüni karst hasarları ve karrlar, şarqiy cabında ise, büyük karst vadiysi mürekkepleştire. Zeytün Qoş — çıplaq konus şeklinde olğan yatıq caplı töpe.

Ad

Ad qırımtatar zeytün sözünden kele ("zeytün" sözüniñ şive 'zeytin' şeklinde de rastkele). Qoş ise "qoy avlası" demektir. Töpeniñ eteginde kerçekten de, çoq zeytün teregi bar. Bunen beraber XX asırğace bu dağda büyük otlaq bar edi.

Umumiy malümat

Dağ kireçtaşlardan ibaret olıp, dağ-çayır-çöl ösümlik örtüsi bar.

Bugün Zeytün Qoş Qırım tabiat qoruğı topraqlarındadır. Qoruqqa kiriş resmiy olaraq yasaqtır.

Galereya

• 
  Dağnıñ töpesinde. «Bayraq — töpege!» — 2010 senesi iyülniñ 16-sında aktsiya.
• 
  Zeytün Qoş civarlarında dağlar
• 
  Babuğan yaylası boyu Zeytün Qoş dağına yol. Talma Boğaz yolu.

Faydalı bağlantılar

• Qırım online haritası
• Qırımnıñ online topografik haritası
• Zeytin Qoş fotoresimleri 29 avgustnıñ 2010 s. arhivlengen.

Edebiyat

• Енциклопедія українознавства : Словникова частина : [в 11 т.] / Наукове товариство імені Шевченка ; гол. ред. проф., д-р Володимир Кубійович. — Париж—Нью-Йорк : Молоде життя, 1955—1995.
• Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.

İnternet resursları

• Haritada Zeytin Qoş