Demir Qapı

Demir Qapı — Qırım dağları Baş sırasınıñ orta qısmındaki dağ töpesi.

Yüksekligi 1540 metrge qadar, Roman Qoş dağından soñ (1545) Qırımnın ekinci eñ yüksek noqtasıdır.

Kireçtaştan ibaret. Capları ve töpesi ormansız, dağ ve çimen otlarınen örtüli. Qırım qoruq ve avcılıq hocalığına aittir.

Dağ töpesi Qırım tabiat qoruğı territoriyasında olğanından sebep, onıñ ziyareti sıñırlanğan. Demir Qapıdan eki kilometr uzaqlığında Qırım dağlarınıñ dörtünci eñ yüksek töpesi olğan Kemal Egerek buluna.