Petro Grıgorenko

Petro Grıgorenko (16 oktâbr 1907, Borısivka, Berdânsk qazası, Tavriya guberniyası — 21 fevral 1987, Nyu York) — milleti ukrain olğan sovet general-mayorı, aq qorçalayıcı. Qırımtatarlar ve başqa sürgün etilgen halqlarnıñ imayesine çıqışlar yapa edi. 1964 senesi onıñ aqqorçalayıcılıq faaliyeti içün, rutbesini adiy askerge tüşürip, bütün devlet imtiyazlarından marum ettiler. Soñra o, sovet apishanelerinde, lagerlerinde ve psihiatriya hastahanesinde buluna edi. 1977 senesinden başlap ABD-de yaşay edi. Petro Grıgorenko Nyu Yorkta öldi, Nyu Cersi ştatında Saut Baund Bruktaki ukrain mezarlığında defin etildi.

Petro Grıgorenko
portrait
Doğğan künü:1907 oktâbr 16(1907-10-16)[1][2]
Doğğan yeri:Borısivka[d], Prımorsk rayonı[d], Zaporijjâ vilâyeti, Ukrain Şuralar Sotsialist Cumhuriyeti
Ölgen künü:1987 fevral 21(1987-02-21)[3][4] (79 yaşında)
Ölgen yeri:Nyu York, Nyu York, Amerika Qoşma Ştatları
Memleketi:Flag of the Soviet Union.svg Şuralar Sotsialistik Cumhuriyetleri Birligi
Flag of the United States.svg Amerika Qoşma Ştatları
Oquğan universitetiMilitary Engineering-Technical University[d]
Kharkiv Polytechnic Institute[d]
Zenaatıaq qorçalayıcı, yazıcı
Siyasiy fırqaŞuralar Birligi kommunist fırqası[d]
Ömür arqadaşıZinaida Grigorenko[d]
Commons-logo.svg Petro Grıgorenko Wikimedia Commons saytında

TercimeiyalDeñiştir

Genç ve oquv yıllarıDeñiştir

Petro Grıgorenko Borısivka köyünde (şimdi Zaporijjâ vilâyetiniñ Prımorsk bölgesi) köylülerniñ qorantasında doğdı. Çilengir, ocaqçı, vagonlarnı bir-birine bağlağan işçi, Yuzovkada demiryol deposında maşinist yardımcısı olaraq çalışa edi. Ondan ğayrı, iş mektebinde ve çağına yetmegen uquq bozucılar içün bala şeerçiginde de çalıştı.

1922 senesi öz tuvğan köyünde komsomol faaliyetiniñ teşebbüsçisinden biri edi. 1929 — 1931 seneleri Ukraina yaşlarınıñ Lenin Kommunistik teşkilatınıñ azası edi. 1927 senesi Kommunist fırqasınıñ azası oldı.

1929 senesi iş fakultetini bitirdi. 1929 — 1931 seneleri Harkiv tehnologiya institutında qurucılıq fakultetinde oquy edi.

Askeriy karyeraDeñiştir

Moskva arbiy-tehnikiy akademiyasını bitirdi (1931—1934 ss.). 1934—1937 ss. — Belarus arbiy bölgesinde buluna, 1936—1937 ss. 52-ci ayrı müendis batalyonınıñ komandanı ola.

Uzaq Şarqta Qızıl orduda askerlik yapa edi. 1939 senesi Halhin Gol özeninde uruşlarnıñ iştirakçisi edi. Mina ateşi altında yaralandı.

Nemse-sovet cenki devamında Uzaq Şarqta 18-inci ayrı atıcılıq taqımına komandanlıq yapa edi.

1944 senesi fevral ayında ağır yaralanıp, tedaviylemege çıqtı. 1944 senesi avgustnıñ 3-ünde Dörtünci Ukrain cebeniñ 8-inci atıcılıq diviziyası ştabınıñ komandanı oldı. Karpatlarda uruşlarda iştirak ete edi. 1945 senesi fevral ayında polkovnik rutbesini aldı.

Dissidentlik faaliyetiDeñiştir

1961 senesi sentâbrniñ 7-de Moskva şeerinde Lenin bölgesiniñ fırqa konferentsiyasında çıqış yaptı. Çıqış devamında saylavlarnıñ demokratikleşmesini ve saylayıcılarğa qarşı mesüliyetni quvetleştirmege çağırdı. Konferentsiyada bulunğan Sovet Birliginiñ Kommunist Fırqası Merkeziy Komitetiniñ temsilcileriniñ talabınen deputat mandatından marum etildi. Zaparta alıp, 1962 senesi Uzaq Şarq arbiy bölgesine keçti.

1963 senesi küzde Moskvağa tatilge kelip, "Leninizm ğayrıdan tiklenmesi içün küreş toplulığını" gizleden teşkil etti. Onıñ terkibine Grıgorenkonıñ oğulları ve bir qaç arqadaşı kirdi. Grıgorenko, faaliyeti içün bir qaç kere apiske atıldı.

AileDeñiştir

Birinci evlilikte bir qaç oğlu bar edi. Ekinci evlilikte, kelecekte aq qorçalayıcı da olğan Andrey oğlu doğdı.

 
Petro Grıgorenko hatırasına pul

MukâfatlarDeñiştir

  • «Cesürlik içün» ordeni — insan aqları qorçalaması ceryanında kösterilgen cesürligi ve fedaiyligi, aq qorçalayıcı areketinde faal iştirağı içün berilgen.

Edebiy mirasDeñiştir

  • Мысли сумасшедшего: Избранные письма и выступления Петра Григорьевича Григоренко. — Амстердам: Фонд имени Герцена, 1973. — 333 с.(рос.)
  • Сборник статей. Нью-Йорк : Хроника, 1977. 121 с. (рос.)
  • В подполье можно встретить только крыс… — Нью-Йорк: Детинец, 1981 (переиздание: М: Звенья, 1997).(рос.)
  • Генерал Петро Григоренко: Спогади, статті, матеріали / Упоряд. та передм. О. Обертаса. — К.: Смолоскип, 2008. — 832 с.
  • Григоренко П. Спогади. — К.: Україна, 2007. — 664 с.

İhtarlarDeñiştir

  1. SNAC — 2010.
  2. TracesOfWar
  3. SNAC — 2010.
  4. TracesOfWar

Edebiyat ve menbalarDeñiştir

  • Зайцев Ю. Д. Григоренко Петро Григорович // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К. : Наукова думка, 2004. — Т. 2 : Г — Д. — С. 198. — 518 с. : іл. — ISBN 966-00-0405-2.
  • В. І. Головченко. Григоренко Петро Григорович // Українська дипломатична енциклопедія: У 2-х т. /Редкол.:Л. В. Губерський (голова) та ін. — К: Знання України, 2004 — Т.1 — 760с. ISBN 966-316-039-X
  • С. Набок. Григоренко Петро Григорович // Політична енциклопедія. Редкол.: Ю. Левенець (голова), Ю. Шаповал (заст. голови) та ін. — К.: Парламентське видавництво, 2011. — с.157 ISBN 978-966-611-818-2.
  • Коротенко А. І., Герасимова Г. П. Григоренко Петро Григорович // Енциклопедія сучасної України : у 30 т. / ред. кол. І. М. Дзюба [та ін.] ; НАН України, НТШ. — К. : Інститут енциклопедичних досліджень НАН України, 2001­–2020. — 10 000 прим. — ISBN 944-02-3354-X.
  • Зубарєв Д., Кузовкін Г. {{{заглавие}}}. — Т. 1. — 1.500 экз. — ISBN 966-8919-09-2
  • Львова Ірина. Бунтар, батько української демократії. // Експрес. — 2012. — 1–8 листоп. — С. 19.
  • Зінкевич О. Григоренко Петро // Енциклопедія української діяспори / Гол. ред. В. Маркусь, співред. Д. Маркусь. — Нью-Йорк; Чикаго, 2009. — Кн. 1. — С. 182.
  • Газета «День». — 2007. — 13 жовт.
  • Газета «Музеї України»
  • Петро Григоренко. В подполье можно встретить только крыс. (рос.)
  • Українська діаспора: літературні постаті, твори, біобібліографічні відомості / Упорядк. В. А. Просалової. — Донецьк: Східний видавничий дім, 2012. — 516 с.