Katsusika Hokusay

Katsusika Hokusay (yaponca 葛飾 北斎, Katsushika Hokusai; 1760 oktâbr 31 — 1849 mayıs 10) — yapon ressamı ve körgezmecisi, ukiyo-e ustasıdır.

Katsusika Hokusay
yaponca 葛飾北斎 yaponca 葛飾󠄁北齋
Doğğan künü	1760 oktâbr 31(1760-10-31)
Doğğan yeri	Honjo[d], Katsushika district[d], Edo[d]
Ölgen künü	1849 mayıs 10(1849-05-10)[…] (88 yaşında)
Ölgen yeri	Asakusa[d], Edo[d]
Memleketi	Japon
Zenaatı	ressam, ksilograf, illüstrator, ukiyo-e artist, sanatkâr, grafikacı ressam, gravüracı ressam, dizayner, sızmacı, tasviriy sanat erbabı, ressam
Ömür arqadaşı	неизвестно ve неизвестно
Balalar	Katsushika Ōi[d] ve Katsushika Tatsujo[d]
Avtograf
Медиафайлы на Викискладе

«Aşağıdaki yel, acayip ava» — küz aylarındaki qırmızı Fuci dağınıñ resmi («Fuciniñ 36 manzarası» cıyıntığı)

«Maqas ve torğay»

«Kanagavadaki büyük dalğa»

Aldmodern yapon sanatınıñ eñ belli ressamlarından biridir. Hokusay, ayatı boyunca eñ az otuz tahallüsini qullandı. O zamanlarda yaşağan yapon ressamları arasında adiy bir şey olğanına baqmadan, tahallüs sayısına köre diger büyük müelliflerden üstün çıqa. Hokusaynıñ tahallüsleri, yaratıcılığınıñ devirlerini belgilemek içün sıq-sıq qullanıla. 1814 s. «manga» adlı ilk eserler cıyıntığını yarattı. Bundan soñ «manga» sözü yapon komiksleri manasına keldi. Ğarpta Hokusay, «Kanagav deñiziniñ dalğası altında» resminen bellidir.

Hokusay devrinde, kitaplar içün resimler üstünde çalışa edi. Esasen «kibeşçi» («sarı cıltlarnen kitaplar») adlı rağbetli ve paalı olmağan mahsulat edi. Bu neşirlerniñ süjetler baylığı, ressamdan em şeerliler turmuşınıñ körünişlerini tasvirlemege, em de Yaponiya ve Çin tarihlarından resimlerni yaratmağa talap ete edi.

1791 s. Hokusay, naşir Tsutay Cüdzaburo içün bir qaç gravüra yapmağa davet etildi. 1795 s. «Keka Edo murasaki» şiiriy antologiyası içün resimleri dünya yüzü kördi. 1796 ve 1799 ss. arasında Hokusay, defter saifelerinde pek çoq gravüra yarattı. Soñki eserlerine «surimono» adlandırılğan edi ve büyükten-büyük muvafaqiyet qazandı. 1804-1813 ss. Hokusay, belli müellifler Kekutey Bakin ve Rütey Tanehikonıñ «emihon»ları (külkünçli povestler) içün resimler yarattı.

Hakosay, yoqsullıq içinde, talebeler etrafında vefat etti. Ölmezden evel o, "Daa beş yılım olğan olsa, aqiqiy ressam olur edim" dep qaçırıp aytqan edi. Ressam, Edodaki Seykö manastırında defin etildi.