Sanat

Sanat - dünyadaki ayrı muayyen şekillerniñ işaretleri ile onıñ umumiyleştirilgen manalarnı ifade etken insan medeniyetiniñ saası. Adetince, edebiyat, tasviriy sanat, ameliy-tatbiqiy sanat, sana sanatı, muzıka ve mimarlıqqa bölüne.

“Ressamlıq, eykelcilik ve mimarcılıqnıñ sıfatları”, En Vale-Köster, 1760 s., Luvr

Keñ bir manada sanat dep, ayrı bir işte, saada mükemmel becerikligini, ustalıqqa deyler.

Tarifi

Sanat resimleriniñ çeşitligi

Umumiyleştirilgen manada sanat olaraq, qullanuv vaqtında ve neticede bediiy zevqni ketirgen ustalıqqa deyler. Entsiklopediya Britanika, böyle tarifini bere: “Başqa adamlarnen paylaşıla bilgen bediiy obyektler, vaqialar ya da areketlerniñ yaratılması içün ustalıqnı ya da tasavurını qullanğan ifade quvetiniñ usulı”. Böyleliknen, sanat ile faaliyetniñ ya da onıñ neticelerini qabul etüvniñ baş miyarı, diger insanlarda seslenüv doğurmaq qabiliyeti ola.