Open main menu

“Emel” - Türkiyedeki Emel Qırım Türk Medeniyetini Tanıtma ve Araştırma Vaqfı (Emel Kırım Türk Kültürünü Tanıtma ve Araştırma Vakfı) tarafından neşir etilgen bir mecmuadır.

1929 senesi Romaniyanıñ Hacıoğlu Pazarcıq şeerinde Müstecib Ülküsalnen on dostu Qırımtatar milliy davası içün bir mecmua çıqarmağa qarar berdiler. Özleri arasında para toplap urufat aldılar. Mecmuanıñ ilk sanı Emel mecmuası adınen 1930 yanvar 1 künü neşir etildi. Mecmuanıñ saibi ve baş müellifi Müstecib Ülküsal oldı. Emel mecmuası baştaki eki sene 15 künde bir kere neşir etilir. Daa soñra ayda bir kere çıqtı. Qırım Qurultay ükümetiniñ tış işleri vekili Cafer Seydamet Qırımer de mecmuada maqaleler yazdı. Bir zaman soñra Emel mecmuası Qırımtatar milliy davasınıñ resmiy neşriyatı oldı. II Cian cenki başlağan soñ Almanlar Romaniyağa kirdiler. Mecmuanı çıqarmaq qıyın oldı, 1940 senesi sentâbr ayında 154 san neşir etilgen soñ neşriyatnı toqtattılar.

1960 senesinde Emel mecmuası Türkiyede yañıdan neşir etilmege başladı. 1998 senesine qadar 227 san neşir etildi. Emel mecmuası 1930 senesinden 1940 senesine qadar, 1960 senesinden 1998 senesine qadar Qırımtatar milliy davasınıñ diasporadaki en müim sesi olğan edi. Müstecib Ülküsal 1986 senesinde közleri raatsızlanğanğa qadar Emel mecmuasıñ baş müellifligini yaptı.

Mecmua 2010 senesi İstanbulda üç ayda bir kere yañıdan neşir etilmege başladı. Vaqıf adına saibi Zafer Karatay, yazı işleri müdiri olıp Saim Osman Karahan çalışa.

BağlantılarDeñiştir