Ceyms Coys

Ceyms Ogastin Aloişes Coys (inglizce James Augustine Aloysius Joyce, irlandca Séamas Seoige; 1882 fevral 2 — 1941 yanvar 13) — irland yazıcısı, XX asırnıñ eñ nufuzlı yazıcılarından biridir. Coys, «Uliss» (1922 s.) adlı abideviy romanı sayesinde umumiy tanuv qazandı. Bundan ğayrı, o, «Dublinliler» (1914 s.) ikâye cıyıntığı, «Cakomo Coys» (1914 s.) psihologik tercimeiyal ikâyesi, «Gençliginde ressamnıñ portreti» (1916 s.) yarım tercimeiyal romanı, em de «Finnegannı añuv merasimi» (1939 s.) adlı eñ sırlı ve çoqifadeli eseri kibi kitaplarnıñ saibidir.

Ceyms Coys
inglizce James Augustine Aloysius Joyce
Doğma adı	inglizce James Augustine Aloysius Joyce
Doğğan künü	1882 fevral 2(1882-02-02)[…]
Doğğan yeri	Ratgar[d], Büyük Britaniya ve İrlandiya Birleşken Qırallığı[d]
Ölgen künü	1941 yanvar 13(1941-01-13)[…] (58 yaşında)
Ölgen yeri	Tsürih[d], İsviçre[…]
Memleketi	İrlandiya[…]
Zenaatı	şair, roman yazıcı, oca, müellif, yazıcı, jurnalist, edebiyat tenqitçisi, nesirci
Baba	John Stanislaus Joyce[d]
Ömür arqadaşı	Nora Barnacle[d]
Balalar	Lucia Joyce[d] ve Giorgio Joyce[d]
Avtograf
Saytı	jamesjoyce.ie​(ing.)
Wikimedia Commons saytindaki Multimedia fayllar

Ceyms, 6 yaşında

Coys, yetişken yaşayışınıñ çoqusını vatannıñ tışında keçirgen olsa da, eserleri İrlandiya mevzusınen toludır: bütün vaqialar İrlandiyada olıp keçe, süjetlerniñ çoqusı onen bağlıdır. Coys tarafından yaratılğan Dünya merkezi Dublinde buluna ve onıñ qoranta yaşayışını, vaqialar ve ta mektep çağındaki arqadaşlarını (ve duşmanlarını) tasvir ete. Şunıñ içün Ceyms Coys, ingliz tilinde yazğan eñ kosmopolit ve aynı zamanda eñ maaliy moderncilerden biri oldı.

Fayl:JamesJoyce1904.jpg

Dublin kolleci universitetiniñ (University College Dublin — National University of Ireland, Dublin) talebesi ve yazıcınıñ arqadaşı K. P. Keren (Constantine P. Curran) tarafından çekilgen Ceyms Coys fotoresmi, 1904 s.

Esas eserler

«Dublinliler» (Dubliners, 1914 s.)

• «Epifaniyalar» (Epiphanies) 1901—1903 ss.
• «Kamera muzıkası» (Chamber Music) 1902—1906 ss.
• «Ressamnıñ portreti» (A Portret of the Artist) 1904 s. yanvar 7
• «Muqaddes kontora» (The Holy Office) 1904 s.
• «Dublinliler» (Dubliners) 1904—1914 ss.
• «Yanğıçtan gaz» (Gas From A Burner) 1912 s., sentâbr
• «Cakomo Coys» (Giacomo Joyce) 1911—1914 ss.
• «Stiven qaramanı» (Stephen Hero)
• «Gençliginde ressamnıñ portreti» (A Portrait of the Artist As a Young Man) 1907—1914 ss.
• «Sürgün olunğanlar» (Exiles) 1914—1915 ss.
• «Uliss» (Ulysses) 1914—1921 ss.
• «Şaqalar içün bir penni» (Pomes Penyeach) 1927 s.
• «Bu, baladır» (Ecce Puer) 1932 s.
• «Finnegannı añuv merasimi» (Finnegans Wake) 1922—1939 ss.