Nesir (latince prosa, prosa oratio ifadeden, azat inkişaf etken ve areket etken doğru tili), vezin ceetten tertip etilmegen nutuq, vezini olmağan; edebiy eser, ya da şiiriy olmağan tilinen yapılğan eserler taqımıdır. Nesir, edebiy yaratıcılığınıñ eki esas çeşitlerden biridir. Nazm ve nesir, şekilge köre, münderice köre, ve edebiyat tarihında alğan yerine köre farq etken teren hususiy sanat saalarıdır.

Bazıda neşir ıstılası bediiy edebiyatınıñ imiy, publitsistik ya da tehnikiy, yani sanatnen bağlı olmağan edebiyatına qarşılaştırma olaraq qullanılır.

Başta qadimiy yunan edebiyatında er angi bediiy nutuqqa nazm dey ediler. Lâkin bediiylik ıstılasınıñ özü yunan medeniyetinde vezinliknen üzviy bağda edi, ve, böylece, edebiy eserlerniñ çoqusı şiiriy şekilinde yazılğan edi. Keççe vezin tertipli şekline vezinnen bağlı olmağan şekilnen qarşılaştıraraq şiir dep aytmağa başladılar. Quintilianda - ‘oratio prosa’ ifadesi, Senekada - vezinli tekrarlavnen bağlı olmağan, serbest nutuqnı belgilemek içün adiy "prosa" bar.