Avropa Şurasınıñ Parlamentler Assambleyası

Avropa Şurasınıñ Parlamentler Assambleyası, AŞPA (inglizce Parliamentary Assembly of the Council of Europe, PACE) — Avropa Şurasınıñ baş nizamnameli teşkilâtlarınıñ ekisinden biri; bütün aza devletleriniñ parlament temsilcilerinden ibaret olğan mesleatçı teşkilât. AŞPA Avropada parlamentlerara işbirlikniñ eñ eski teşkilât sayıla.

Avropa Sarayında Avropa Şurasınıñ Parlamentler Assambleyasınıñ yarımtögeregi

Terkip deñiştir

AŞPA azalarını aza devletleriniñ parlamentleri tayin ete. 5 eñ büyük devletniñ AŞPA-da 18 azası bar. Bir devletten eñ az 2 aza olmalı. Milliy delegatsiyağa devletniñ parlamentinde olğan bütün siyasiy fırqalarnıñ temsilcileri kirsetilmeli. Erkek ve qadınlarnıñ sayısı teñ olmalı. Umumen, AŞPA-na 318 aza ve 318 azanıñ «muavini» kire.

Oturışlarda Kanada, Meksika ve İsrail parlamentlerinden 18 közetici de iştirak ete.

Vekâletler deñiştir

Assambleya, millet vekilleri tarafından azırlanğan maruzalarğa esaslanıp, qarar qabul ete. Assambleyanıñ müim vekâletleri arasında Avropa Şurası Baş kâtibiniñ ve onıñ muavininiñ, Avropa insan aqları makemesi makemecileriniñ saylavı, yañı aza devletleriniñ namzetleri aqqında neticelerni qabul etüv, olarğa bergen vazifelerni teşkerüv bar. Ondan ğayrı, Assambleyanıñ sessiyaları, Avropa siyaseti aktual meseleleriniñ muzakere etmek içün forumlarğa çevirile. Forumlarğa muntazam şekilde devlet ve ükümet başlıqları davet etile.

Edebiyat deñiştir

  • І. Мінгазутдінов. Парламентська асамблея Ради Європи // Політична енциклопедія. Редкол.: Ю. Левенець (голова), Ю. Шаповал (заст. голови) та ін. — К.: Парламентське видавництво, 2011. — с.539 ISBN 978-966-611-818-2

Bağlantılar deñiştir