Open main menu

Vikipediya β

Edil

(İdil saifesinden yollandı)

Edil[1] ya da Volga (bazan İdil, İtil yaki Etil şeklinde de yazıla; rusça Волга, tatarca Идел) - Avropanıñ eñ uzun özenidir. Uzunlığı taqriben 3692 km olğan Edil, Moskva ile Sankt Peterburg arasındaki Valday yaylalarından doğa. Deñiz seviyesinden 28 m astında olğan Hazar Deñizine töküle. Hazar deñizine 50 km qala 200-den ziyade qolğa ayırılıp Edil deltası meydanğa kelir. Bu deltanıñ keñligi 100 km-den ziyadedir.

Edil
rusça Волга, tatarca Идел
Baş Valday yaylaları
 - yüksekligi 225 m
Ağız Hazar Deñizi
 - yüksekligi -28 m
Havuz memleketleri Rusiye
Uzunlıq 3692 km
Havuz meydanlığı 1 380 000 km²

Edil qışnıñ üç ayında buzlap qala. Bu zaman devamında bazı yerlerde özen üstü qara yolu olaraq faydalanılır.

Bazı tarihçılarğa köre tarihiy Avropa Hun ükümdarı Atillanıñ ismi İdil özeninden kele: Atilla = Edilli.

TüpyazılarDeñiştir

  1. Zemaneviy rusça-qırımtatarca luğat / Tertip eticiler: V. A. Mireyev, A. V. Gorâinov. — Aqmescit - Saq: «Feniks İşhabesi» Hİ, 2013. — 580 s.