Vikipediya:Serbest Entsiklopediyası (2024)/Qırımtatar versiyası

Serbest Entsiklopediya: Qırımtatar Vikipediyasını yazamız – qırımtatar vikipediyasında yañı maqalelerni yazuv, eskilerni ise mükemmelleştirüv marafonıdır. O 2024 seneniñ kiraz ayınıñ 20-sinden oraq ayınıñ 20-sine qadar devam etip, vikipediyanıñ qırımtatarca bölüginde yetişmegen müimden-müim mevzularına diqqat ayıracaq.

Marafon aqqında

Vikipediya – dünyada eñ büyük onlayn entsiklopediyasıdır. Bütün insaniyet serbest litsenziya esasında bedava ve reklamasız onı qullana bile. Vikipediya meydanğa kelgen son, 20 yıl devamında biñlerce göñülliler 300-den ziyade tilde 50 milliondan artıq maqale yarattılar. Vikimediya areketiniñ maqsadı – «insaniyet elde etken bütün malümatqa alemde er adamnıñ serbest qatılmağa çaresi olsun». Qırımtatar tilinde Vikipediya mevcut olğanına 16 yıldan ziyade oldı, ve tek yaqında maqalelerniñ sayısı 28 biñden arttı. Bu qırımtatar tilinde serbest bilgileriniñ inkişafına salmaqlı bir issedir. Amma, yazıq, bizim til bölügimizde kerek derecede açıqlanmağan müim mevzular daa çoq: şu cümleden esas añnamlar aqqında maqaleler ya asıl yoq, olsa da – malümat acimi pek az.

İştirak etmek içun ne yapmalı

Marafonğa qatılmaq içun qayd saifesini toldurmaq kerek реєстраційна форма. Ve 2024-ci senesiniñ kiraz ayınıñ 20-sinden oraq ayınıñ 20-sinece – ya yañı maqaleler yaratmaq, ya da teklif etilgen cedvelden mevcut olğan maqalelerni yahşı etip mükemmelleştirmek kerek.

Marafon eki kategoryada ötkerilecek:

1000 maqale - vikipediyanıñ til bölüklerinde olğan ve eñ müim şey ve añlamlarnı añlatqan maqaleler;
250 maqale Ukrainanen, Qırımnen, qırımtatarlarnıñ medeniyeti ve urf-adetlerinen, tarihiy şahıslarnen ve ilâhre bağlı olmalı. Yarışnıñ iştirakçileri mukâfat ve hatıra bağışlar içün küreşmeleri mümkün. Marafon devamında eñ ziyade isse qoşan 10 iştirakçiler (Vikipediyanıñ qaideleri ve talapları mücibi) teşkilâtçılar tarafından taqdirlenecekler. Ondan ğayrı qoşma mukâfatlar, namzetlikler (nominatsiya) da olması mümkün, haberlerni köz etip turuñız.

İştirak etüvniñ qaideleri

Marafon çerçivesindeki bütün isse Vikipediyanıñ qaidelerine uymalı. Şu cümleden:

Vikipediya – bir entsiklopediyadır! Onıñ içün maqalelerniñ episi entsiklopediya tarzında yazılmalı;
Entsiklopediya plagiatnı yasaq ete! Onıñ içün maqaleniñ metni iştirakçiniñ tarafından, kimseniñ müelliflik aqqını bozmayıp, yazılmaq kerek;
Vikipediyanıñ başqa til bölüklerinden maqalelerni tercime etmek mümkün (misal içün – ukraince ya da inglizceden) – amma, tercime etken son, menbanı ve qaydan alınıp tercime etilgeni kösterilmek lâzim.
Vikipediya original tedqiqatlarnen oğraşmay, aşkâr olmağan iddialar menbalar vastasınen tasdıqlanmalı. Onıñ içün maqaleler nufuzlı menbalarda (gazetalar, mecmualar, kitaplar ve ilâhre) evel derc etilgen malümatlarğa esaslanmalı ve bu menbalarğa bağlantılar olmaq lâzim.
Maqalelerniñ metninde maşna tercimesi oqup teşkerilmek lâzim.
Maqaleni yazuv yolunı ve Vikipediyanıñ qaidelerini tafsilâtlıca bilmek içün malümat saifesinen qullana bilesiz.

Diqqat: bizler bu marafonnıñ çerçivesinde maqalelerni tek qırımtatar tilinde ve tek teşkelâtçılar tarafından teklif etilgen cedvelde kösterilgen mevzularında yazmalımız (yani – müim maqalelerni). Siz Vikipediyanıñ başqa mevzulardaki ve başqa tildeki maqalelerini tarir ete bilesiz, lâkin böyle isse bu marafonda esapqa alınmacaq.

Yaratmaq içun ve mükemmelleştirmek içun maqaleler

Marafonğa qatılmaq içün bu cedveldeki maqalelerni yaratıñ ya da mükemmelleştiriñ:

İştirakçiler

Marfonda iştiraq etecegiñizni bildirmek içün bu bölükte qayd oluñız. Bunıñ içün öz qayd saifeñizge kirip, bu saifedeki «deñiştir (kodunı deñiştir)» dögmesini basıp, imzañıznı qoşuñ (bunıñ içün kodnı tarir etmek rejiminde yañı satırğa keçip, skrinşotta kösterilgen dögmege basıñız ya da qolnen işaretler kombinatsiyasını kirsetiñiz). Bundan son – ya maqale yaratıñ, ya cedveldeki maqalelerin mükemmelleştiriñiz. Cedveller mevzular esasında tizilgen, ve siz içün meraqlı olğan mevzularnı saylay bilesiz.

Malümatlar ve bağlar

Maqaleni nasıl etip yazmalı Yañı bir maqale yazmaq içün, ya da başqa tilde olğan azır maqaleni qırımtatar tiline tercime etkende tercime aletinen faydalnması oñaytlı.

Bunıñ içun:

Vikipediyada qayd oluñız (bunı şu bağlantı yardımınen yapmaq mümkün) ve özüñizin qayd saifeñizge kiriñiz.
Tercime etmege istegen maqaleñizni ve qaysı tilden tercime etecegiñizni saylañız (teklif etilgen cedvelde yeşil meydandaki «plüs» işareti tamam şu diger til bölüginde bulunğan maqalege alıp bara. skrinşotqa baq )
Tercime aletini bu bağlantıdan keçip açıñız.
«Yañı tercime» dögmesine basıñız. (skrinşot)
Qaysı tilden tercime etecegiñizni saylañız. (skrinşot)
Qıdıruvda qırımtatar tiline qaysı tilden tercime etmege istegen maqaleñizni tapıñız. (skrinşot)
«Tercimeni başlamaq» mavı dögmesine basıñız.
Satır başından satır başınace tercime etiñiz. Yazıq, qırımtatar tili içün avtomatik tercime yoq, onıñ içün tercimeni adım-adım qolnen etmek kerek ola.
İş bitken soñ maqaleni derc etiñiz. (skrinşot)

Belki, azır maqaleni tercime etüv yañı maqale yazmasından tezce ve qolaycadır, amma siz tek onı etmege mecbur degilsiz; başından soñunace, ileride añılğan Vikipediya qaidelerine riayet etip, yañı maqale yazmağa mümkün (qulaq asıñız, tışqı menbalardan metinni köçürip almaq – yasaq, atta o başqa tilde olsa da; tek Vikipediyanıñ başqa til bölüklerinden sözme-söz tercime etmege mümkün, ya da metinni özüñiz yazmaq kereksiz).

Qoşma malümatlar

Sualler

Eger Vikipediya aqqında sualleriñiz olsa, teşkiliy taqımınıñ bir azasına muracat ete bilesiz. Teşkiliy suallerni info@wikimedia.org.ua adresine yazıp soray bilesiz.