Tavriya

Tavriya (Tavrida, Tavrika, yunanca Ταυρίς, Ταυρίδα, latince Taurica) — Qırım yarımadasınıñ tarihta qullanılğan bir adı, tavr sözünden kele.

Coğrafiya

Strabon bütün Tavriyanı (Hersonesni) büyük ve küçük qısmına böle edi. Küçük Hersones olaraq zemaneviy Keriç yarımadası adlandırılğan.

Mifologiya

Qadimiy yunan mifologiyadasında İfigeniyanıñ Tavriyada bulunğanı aqqında bir mif bar.

Ad

Gerodot bütün yarımadanı Tavriya, Hersonesniñ bulunğan burnunı (şimdi Gerakleya yarımadası) ise, Hersones dep adlandıra edi. Strabon, Klavdiy Ptolemey yarımadanı skitler ya da tavrlar yarımadası olaraq adlandıra ediler. M.s. VII asırda hazarlar yarımadanı zapt etip, onı Hazariya dep adlandırdılar. Qırım adı Avropa ve Asiyanı bölgen Keriç boğazına qadar topraqlardan (şimdi Keriç yarımadası) kele. M.e. VII asırda skitler zamanında anda bir or (endek) bar edi. Soñra, Azander adlı Bospor çarı or yerine içinde 10 qaravul qullesi olğan taş qalesini qurdurdı. Strabonnıñ bildirgenine köre, o topraqlarda kimmerlerniñ Kimmerion şeeri bar edi. Aynı şeerni (devletni) Gerodot Krimi dep adlandıra.

Tavriya guberniyası

XIX — ХХ asırnıñ başında Tavriya dep 1802 senesi qurulğan Tavriya guberniyasını adlandıra ediler (merkezi Aqmescit şeeri). Onıñ terkibinde zemaneviy Qırım Muhtar Cumhuriyetiniñ topraqları, Herson ve Zaporijjâ vilâyetiniñ cenübiy qısımları edi. Bu ad 1918 senesine qadar qullanıla edi.

Menbalar

Ясь О. В. Таврида // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К. : Наукова думка, 2013. — Т. 10 : Т — Я. — С. 15. — 784 с. : іл. — ISBN 978-966-00-1359-9.
Ясь О. В. Таврика // там же, с.15
Таврія // там же, с.19
«Літопис Руський», м. Київ, вид. «Дніпро», 1989 р., 591 с. — ISBN 5-308-00052-2
Енциклопедія українознавства : Словникова частина : [в 11 т.] / Наукове товариство імені Шевченка ; гол. ред. проф., д-р Володимир Кубійович. — Париж—Нью-Йорк : Молоде життя, 1955—1995.
Аркас, Захарій, Описание Ираклийского полуострова и древностей его. — Н., 1879 г.; Сравнительная таблица еллинских поселений по Евксинскому понту. Записки Одесского общества истории древностей. Т. 3. (рос.)
Станіслав Богуш-Сестренцевич, «Исторія о Тавріи», 1805 г. (рос.)
Historia Tauricae Chersonesi A Turcis Superiore anno occupatae et Tattariae Praecopensis in provinciam imperij Turcici redactae. Catalogus Omnium Provinciarum Imperii Turcici. De Samuelo Sborovio. 1585. (лат.)

Bağlantılar

Таврида // Юридична енциклопедія : [у 6 т.] / ред. кол. Ю. С. Шемшученко (відп. ред.) [та ін.]. — К. : Українська енциклопедія ім. М. П. Бажана, 2004. — Т. 6 : Т — Я. — 768 с. — ISBN 966-7492-06-0.
Таврія // Універсальний словник-енциклопедія. — 4-те вид. — К. : Тека, 2006.
Топонімічний словник Криму
Карта Таврії
Карта Таврії
Martini Broninii.Tatariae descriptio"
Мартин Броньовський. Опис Татарії.