Tarhan Qut yarımadası

Tarhan Qut — Qırım yarımadasınıñ ğarbındaki bir yarımada, cenübiy-ğarbında Tarhanqut ve Qara Murun burunları bar.

Umumiy tasvir

Yarımadanıñ meydanlığı 1550 km². Tarhan Qut yarımadası esasen neogen kireçtaşlarından ibaret. O - 179 metr yüksekliginde, vadiy ve yılğalarnen qaplanğan bir tüzlüktir. Alçaq yerlerde tuzlu göller bar (eñ büyügi Doñuzlav gölü). Çöl ösümliklerinen qaplı.

Tarhan Qut yarımadasında qadimiy yunan meskün yerleriniñ qalımtıları bar (olardan eñ büyügi bugünki Aqmeçit qasabasınıñ kenarındaki Kalos Limen), skit mezarlıqları. Tarhan Qut burnu üzerinde Tarhan Qut farosı (mayakı) bar, o, 1816 senesi İnkerman beyaz kireçtaşından qurulğan 42 m yüksekliginde qadimiy bir fenerdir. Belli tabiat abidesi - Qara Acı köyüniñ yanındaki çoq sayılı qaya ve yıqıntılar ile Canğul sürülgen yalı kenarı. Yarımadada Tarhan Qut yel elektrik stantsiyası buluna.

Menbaları

Енциклопедія українознавства : Словникова частина : [в 11 т.] / Наукове товариство імені Шевченка ; гол. ред. проф., д-р Володимир Кубійович. — Париж — Нью-Йорк : Молоде життя, 1955—1995. — ISBN 5-7707-4049-3.
Тарханкутський півострів у Великій радянській енциклопедії (рос.)
Тарханкутський півострів на сайті Інституту географії РАН
Книга рекордів Криму