Töpe Kermen

Töpe Kermen — Bağçasaray rayonındaki Şüri köyü civarlarında Qırımnıñ kiçik qoba şeeri.

Umumiy malümat

Qoba şeeri deñiz üstünde 535 m (etraftaki vadiyler üstünde 225 m) yüksekliginde olğan dağnıñ töpesinde buluna. Cenüpten ve ğarptan uçurımlarnıñ yüksekligi 12 m-ge yete.

Tarih

Şeerde VI — XIV asırlarda insanlar yaşay ediler. Şeer inkişafınıñ eñ parlaq saifeleri XII - XIII asırlardır. Şeerde 230-dan ziyade yapma qoba bar. XII - IX asırlarğa ait olğan kilse de bar. Çalılar ve otlar arasında temelniñ izlerini körmek mümkün. Şeerniñ divarları saqlanıp qalmadı. Bazı rivayetlerge köre, şeerniñ yoq oluvını 1299 senesi olğan Uluğ Ulusnıñ beylerbeyi Emir Noğaynıñ ücüminen bağlaylar.

Galereya

• 
  Qız Kermenden Töpe Kermenniñ körünişi
• 
  İnsanlar yaşağan yerniñ qalımtıları
• 
  Şeerniñ cenübiy qısmında taş

Edebiyat

• Гайко Г. , Білецький В. , Мікось Т., Хмура Я. Гірництво й підземні споруди в Україні та Польщі (нариси з історії). — Донецьк: УКЦентр, Донецьке відділення НТШ, «Редакція гірничої енциклопедії», 2009. — 296 с.
• Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.

Bağlantılar

• Тепе-Кермен. Фотогалерея