Seyran Üseinov
Seyran Memet oğlu Üseinov (1938 senesi mart 19, Körbekül, Qırım — 2018 senesi iyün 28, Aqmescit, Qırım) — qırımtatar alimi, pedagog, leksikograf, bir çoq luğatnıñ tertip eticisi.
| Seyran Üseinov | |
|---|---|
 | |
| Doğğan künü | 1938 mart 19 |
| Ölgen künü | 2018 İyün 28 (80 yaşında) |
| Mukâfatlar |
 |
Tercimeial
deñiştir1938 s. — Qırımnıñ Körbekül köyünde qırımtatar qorantasında doğdı.
1939 — 1944 s. - Qorantasınen beraber anasınıñ doğmuş köyü olğan Quvuş köyünde yaşağan.
1944 s. — 6 yaşında bütün qırımtatar milletinen beraber genotsidke oğrağan.
1960 s. — Ferğana devlet universitetiniñ filologiya fakultetine kirdi.
1965 s. — universitetni bitirdi.
1965 - 1988 ss. — Ferğana vilâyetindeki mekteplerde rus tili ocası, oquv işleri müdiri olıp çalıştı. Aynı zamanda qırımtatar tiliniñ luğatı içün material toplap başladı.
1988 s. soñ — Qırımğa avet olıp, Qırım universitet ve mekteplerinde çalışqan. Qırım müendislik ve pedagogika universitetinde üyken oca, soñ ilmiy hadim olıp çalışqan. Qırımtatar tiliniñ bir çoq luğatı neşir ettirdi (bu cümleden rusça-qırımtatarca, qırımtatarca-rusça, orfoepiya, terminologiya, frazeologiya luğatı).
2018 senesi iyünniñ 28-inde — Aqmescitte öldi.