Sanayı inqilâbı

Sanayı inqilâbı ya da sanayı devrimi - İngilterede XVIII asırnıñ ekinci yarısında başlanğan ve XIX asır devamında Avropa ülkelerine, AQŞ ve Yaponiyağa cayrağan el, esnaf-manufakturlı ve evdekiden büyük maşna fabrika-zavod istisalına keçüv. Sanayı inqilâbınıñ müim bir qısmı - naqliyat iş maşnalar ve maqamlıqlarnı istisalğa tatbiq etmesi edi. Olar, insanlarnıñ el emegi yerine kelip, mustaqil maşna qurucılıq saasını yarattılar.

Kömürden çalışqan buv maşnası, Britaniyadaki ve bütün dünyadaki sanayı inqilâbınıñ müim bir amili edi.

Has-hususiyetler

Sanayı inqilâbı, tarihta emiyetli deñişikliginiñ timsali ola. Em belli bir derecede er künlük ayatınıñ er bir ceetine onıñ tesiri bar edi. Hususan, eali kelirleriniñ orta seviyesi, daa misali olmağan daimiy artuvını köstermege başladı. Eki asır içinde 1800 seneden soñ dünya ealisi altı kere artqan devrinde bir can başına orta dünya keliri ondan ziyade kere artqan. Nobel mukâfatınıñ laureatı Robert Lukasnıñ sözlerine köre, “adiy adamlarnıñ yaşayış seviyesi, tarihta ilk sefer turğun köterüvni köstermege başladı. Bu iqtisadiy areketni uzaqtan bile añdıra bilgen iç bir şey olmağan edi bundan evel”.