Qız Kermen

Qız Kermen — Qırımnıñ Bağçasaray rayonındaki Tatarköyniñ civarlarında olğan şeer. Ad qırımtatar tilinde qız ve kermen (qale) sözlerinden ibaret.

Tarih

Divarnıñ temelinde m. e. IV-III asırlarğa ait olğan qalavnıñ qalımtıları saqlanıp qaldı. Büyük ihtimalnen olar Hersonesniñ sakinleri yardımınen qurulğan edi. O divar, VIII-IX asırlarda qadimiy devirlerğe ait olğan pekitmelerniñ qalımtılarında qurulğan edi. Antik devirlerde şeerniñ topraqlarında evlerni qurmay ediler. O, telüke peyda olğanda sığınaq olaraq qullanıla edi. M. e. I - m. s. I asırlarda peyda olğan bu pekitmenen bağlı büyük qasaba şeerden şimal tarafındaki platoda buluna edi. Bazı rivayetlerge köre, Qız Kermende VIII-IX asırlarğa ait olğan yazma menbalarında hatırlanğan orta asır Fulla şeeri bar edi. Qız Kermen qalelerinde bir qaç «hane» oyulğanı içün, o, qoba şeeriniñ cedveline kire.

Koordinatlar - 44.70972, 33.91888

Edebiyat

• Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.

Menbalar

• Герцен А.Г., Махнева-Чернец О.А. Пещерные города Крыма. - Севастополь, 2006 г.
• Могаричев Ю.М. Пещерные города в Крыму. - Севастополь, 2005 г.