Piter Paul Rubens

Piter Paul Rubens (felemenkçe Peter Paul Rubens, [ˈpe:tər ˈpʌul ˈrybə(n)s]; 1577 iyün 28, Zigen — 1640 mayıs 30, Antverpen) — flamand ressamı, diplomatı, kollektsioneri, Barokko devriniñ eñ belli vekillerinden biridir.

Piter Paul Rubens
felemenkçe Peter Paul Rubens
Doğğan künü	1577 İyün 28
Doğğan yeri	Zigen[d], Arnsberg bölgesi[d], Province of Westphalia[d], Prussia[d]
Ölgen künü	1640 mayıs 30(1640-05-30)[…] (62 yaşında)
Ölgen yeri	Antverpen[d], Brabant dukalığı[d], Habsburg Felemenki[d]
Memleketi	İspan Felemenki[d]
Zenaatı	diplomat, ressam, grafikacı ressam, gravüracı ressam, sızmacı, eykeltraş, tasviriy sanat erbabı
Baba	Jan Rubens[d]
Ana	Maria Pypelinckx[d]
Ömür arqadaşı	Isabella Brant[d] ve Helena Fourment[d]
Balalar	Albert Rubens[d], Nicolaas Rubens, Lord of Rameyen[d], Peter Paul Rubens III[d] ve Claire Rubens[d]
Avtograf
Wikimedia Commons saytindaki Multimedia fayllar

Rubensniñ yaratıcılığı, Breygel kerçekçiliginiñ ananelerinen Venedik mektebiniñ muvafaqiyetleriniñ organik bir birleşüvidir. Özüni em tarihiy resimde, em de diniy ve mifologiya mevzuları üzerinde olğan resimde, portret, manzara ve dekorativ resimlerinde de kösterdi. İngliz tarihçı Maykl Caffe (Michael Jaffe) tarafından cıyıştırılğan Rubensniñ eserleriniñ katalogı, ressamnıñ ustahanesinde yapılğan çoq sayıda kopiyalardan ğayrı 1403 parçadan ibarettir.

Faaliyetiniñ italyan devrinde Rubens, mustaqil yaratıcılığına ıntılmadı. O vaqıt pek az mustaqil eserler yaratıldı, misal olaraq: «Haç inşaatı», «Tikenli tac» ve «Haçqa kerilüv», «Lotnıñ qaçuvı», «İsa Mesih ve Günakâr», «Lazarniñ tirilüvi», «Vakhanaliya» ve «Vakh» ve dig.

Genç ressamnıñ istidadı qayd etildi ve 1607 senesi flamand ressamları aqqında yahşı tanınğan ve flamandlarnen ticaret ve medeniy bağlar çoqtan tüzelgen Cenova şeerine davet etildi. Cenovağa köçmege ve ressam içün anda elverişli sımarışlar almağa, Roma Papasınen para işlerini yapqan ceneviz bankçısı Yakopo Serra teşebbüsçi ve yardımcı oldı. Cenovada Rubens, portretçi olaraq çalışa edi. Yakopo Serra yardımınen Fermo şeerindeki manastır içün bir sunaq sımarışını da aldı.

Rubensniñ soñki on yılı, yaratıcılığınıñ ilk devirleri kibi, semereli edi. Rubensniñ özü ve ailesi içün alğan ve ölümine qadar semereli çalışmağa devam etken Mehelen yanındaki «Sten» adlı küçük bir saray sebebinden, bu devirge sıq-sıq «Sten devri» denilir.

Tüpyazılar

Piter Paul Rubens Antverpen şeerinde 30 mayıs 1640 s. podagra sebebinden vefat etti.

Rembrandtnıñ kollektsiyasınden «Gero ve Leandr», tahminen 1605 s.

«Mantuya arqadaşlarınen kendi portreti», 1606 s.

«Dört felsefeci», 1611-12 ss.

Antverpendeki Rubensniñ evi