Oyun — insan vucudınıñ plastik areketleri vastasınen bediiy obrazlarnıñ yaratılğanı bir sanattır. Oyunda muzıka eserleriniñ duyğulı ve obrazlı münderice akis ola. Oyun bütün insanlıqnıñ ve insan toplulığınıñ medeniy ananelerinde mevcut olğan edi ve alâ mevcuttır. İnsan uzun tarihı devamında, medeniy inkişafını akis eterek, oyun deñişken.

Qaytarma, qırımtatar milliy oyunı

Oyunnıñ pek çoq çeşiti ve şekli bar. Halq oyunı - er bir halqnıñ dünyabaqışınıñ ve yaratıcılığınıñ açıq ifadesidir, ananelerniñ, horeoğrafiya tiliniñ, muzıkanen plastik ifadeliliginiñ akis olmasıdır.

Klassik oyun, XVI asırnıñ soñunda yaratılğan ve mahsus azırlığı talap etilgen balet sanatınıñ temeli.

Estrada oyunınıñ öz özellikleri ve belli bir estrada yırcısınıñ çıqışlarını destek vazifesi bar.

Oyunlar, iştirakçilerniñ miqdarına köre solo oyunı, çift oyun ve taqım oyunlarına bölüne.

Oyunlar, nasıpqa köre içtimaiy, merasimiy, sana, erotika v b. oyunlarına bölüne.

Qadimiy yunan mifologiyasında Terpsihora, oyunnıñ ilham perisi edi.

Oyun, eski zamanlardan insanlarğa qonuşmağa yardım ete edi: köy meydanlarında, ballarda, cıyınlarda, klublarda, diskotekalarda ve gece klublarında aqradaşlarnen şeñ vaqıt keçirmege, gençlikke ise tanışmağa ve körüşmege yardım ete edi.

Oyunlarnıñ çeşitlerinden biri olğan ve esasen munasebetlerni qurğan çift oyundır.