Necip Hablemitoğlu
Necip Hablemitoğlu (1954 – 2002) - qırımtatar tamırlı Türkiyeli yazıcı, araştırmacı, tarihçı.
| Necip Hablemitoğlu | |
|---|---|
| türkçe Necip Hablemitoğlu | |
| Doğğan künü | 1954 noyabr 28 |
| Doğğan yeri | |
| Ölgen künü | 2002 dekabr 18 (48 yaşında) |
| Ölgen yeri | |
| Memleketi | |
| Zenaatı | tarihçı |
| Ömür arqadaşı | Şengül Hablemitoğlu[d] |
 Медиафайлы на Викискладе | |
Dr. Necip Hablemitoğlu, 1954 senesinde Ankarada doğdı. Ankara Atatürk Lisesini bitirgen soñ Ankara Universiteti Siyasiy İlimler Fakultetinde oqudı. 1977-de diplomını aldı. 1977-1988 senelerinde Dilde, Fikirde, İşte Birlik mecmuasını neşir etti. 1980-den soñra Ankara Univertiteti Türk İnqilâp Tarihı İnstitutında çalıştı ve mından doktor diplomnını aldı.
1974 senesinde Şuralar Birliginde zulüm, basqı, sürgün ve etnik ayrımcılıqnı añlatqan Sovyet Rusya’da Devlet Terörü adlı kitabını neşir etti. Aynı sene yazğan Yüzbinlerin Sürgünü kitabında qırımtatar sürgünligini añlattı.
1995 – 1996 senelerinde Birleşken Milletler Cemiyetiniñ Moldaviyada Gagauzlarnıñ Latin elifbesine keçme proyektinde muşavir olıp vazife aldı. Türkiye tışındaki türkiy halqlarnen alâqalı pek çoq tedqiqatı ve kitabı olğan Hablemitoğlu 2002 senesinde eviniñ aldında oğrağanı bir suiqastnen öldürildi. Özündiy Univertitet ocası olğan Prof. Dr. Şengül Hablemitoğlunen evli ve eki qız balası bar edi. Son kitabı Köstebek adınen vefatından soñ neşir etildi.
Pek çoq kitabı ve maqalesi olğan Dr. Hablemitoğlu, ömrüniñ soñki yigirmi senesinde Ankara Univertitetinde ocalıq yaptı. Ana ve baba tarafından qırımtatar tamırlı olğan Hablemitoğlu İsmail Gasprinskiy ve qızı Şefiqa Gasprinskayanıñ hususiy vesiqaları da olğan zengin bir arhivi bar edi.
Eserleri
deñiştir- Sovyet Rusyada Devlet Terörü,
- Yüzbinlerin Sürgünü,
- Çarlıq Rusyasında Türk Kongreleri
- Şefiqa Gasprinskiy ve Türk qadın areketi
- Qırımda Türk Soyqırımı
- Gaspıralı İsmail
- Kemal’in Öğretmenleri
- Alman Vakıfları Bergama Dosyası
- Türkiye, Milli Mücadelede Yeşil Ordu Cemiyeti ve Gaspıralı İsmail Bey
- Şeriatçı Terörün ve Batının Kıskacındaki Ülke: Türkiye
- Köstebek
Bağlantılar
deñiştir- Hablemitoğlu 20 noyabrniñ 2008 s. arhivlengen.