Ukraina Anayasası

Ukraina Anayasası — Ukrainanıñ Esas Qanunı. 1996 senesi iyünniñ 28-de Ukraina Yuqarı Şurası 2-ci çağıruvınıñ 5-ci sessiyasında qabul etildi. Ukraina Anayasası qabul etilgen künden berli qanuniy quvetini aldı. Anayasanı qabul etüv künü hatırasına Ukrainada er yıl devlet bayramı — Ukraina Anayasası Bayramı qayd etile.

Ukraina Anayasası

Zemaneviy Ukraina anayasası 1996 senesi iyün 28-de Ukraina Yuqarı Radası tarafından qabul etildi.

Anayasağa bağışlanğan Ukraina poçta markası

Anayasanıñ qurulışı deñiştir

Ukrainanıñ ameldeki Anayasası 14 bölükten ibaret («Keçüv şartlar» adlı soñki bölük ⅩⅤ nomerası altında keçe, çünki «Prokuratura» adlı Ⅶ bölük (121—123 maqale) «Ukraina Anayasasına deñişmelerniñ kirsetilüvi aqqında (adliye boyunca)» Ukraina Qanunı esasında çıqarılğan edi.

14 bölükte 161 maqale toplanğan, ⅩⅤ bölükte ise, keçüv şartlarınıñ 16 maddesi bar. Anayasa Metininden evel Muqaddeme bar.

Bölükler Ad Maqaleler
Muqaddeme
I Umumiy şartlar 1—20
II İnsan ve vatandaşnıñ aqları, serbestlikleri ve vazifeleri 21—68
ІІІ Saylavlar. Referendum. 69—74
IV Ukraina Yuqarı Şurası 75—101
V Ukraina Prezidenti 102—112
VI Ukraina Nazirler Kabineti. İcra akimiyetiniñ diger teşkilâtları. 113—120
VIII Adliye 124—131² (şu cümleden 129¹, 130¹, 131¹)
IX Ukrainanıñ topraq qurulışı 132—133
X Qırım Muhtar Cumhuriyeti 134—139
XI Yerli özidare 140—146
ХІІ Ukraina Anayasa Makemesi 147—153 (şu cümleden 148¹, 149¹, 151¹, 151²)
ХІІІ Ukraina Anayasasına deñişmelerniñ kirsetilüvi 154—159
XIV Soñki şartlar 160—161
XV Keçici şartlar 1—13, 15—16¹ madde