Han sülâlesi

Han sülâlesi  (çince 汉朝, ananeviy çince 漢朝, Hàncháo) — milâttan evel 206 — milâttan soñ 220 seneleri yani Tsiñ sülâlesiniñ yıqılğanından soñ ve memleketniñ üç devletke bölüngeninden evel Çinni idare etken bir sülâle. Han imperatorları Liu soyundan (劉/刘) edi. Bu sülâleniñ idaresi 400 yıldan ziyade sürdi. Han sülâlesiniñ idaresi eki devirge ayrılır - Erte Han (Ğarbiy Han, m.e. 206 - m.s. 9) ve Keç Han (Şarqiy Han, m.s. 25 - 220 seneleri). Arasında ‘qırmızı qaşlılarnıñ’ isyanı ve ‘zorlap alıcı’ Van Mannıñ qısqa müddetli idaresi oldı. Çin tarihçılığında Han devri Çin tarihınıñ eñ emiyetli devri olaraq qabul etile, çünki o sırada bu sülâleniñ adını taşığan han çin qavmi yaratıldı.