Dubay (arapçaدبيّ) - Birleşken Arap Emirlikleriniñ, meydanlığı ve eali ceetinden eñ büyük şeeri; aynı adını taşığan emirlikniñ memüriy merkezi olıp, qalğan altısınen meleketni teşkil ete. Eali 3 164 966 kişidir (2018 senesi boş ayınıñ 25-ine vaziyet)[1]. Basra Körfezi yalısında bulunğan şeer, Orta Şarqnıñ emiyetli bir maliye ve ticaret merkezidir. Şeer, BAEdeki eñ büyük ticariy limanğa ve ava alanına saiptir.
1971 senesi ilk qış ayınıñ 2-sinde, aynı adını taşığan emirlikniñ paytahtı Dubay şeeri, yañı yaratılğan Birleşken Arap Emirlikleri federativ devletniñ bir parçası oldı.
