Ablây Şamil: Versiyalar arasındaki farq

Ablây Şamil 1900 senesi [[Qamacı]] köyünde (şimdiki [[Canköy rayonı]]) fuqare köylü ailesinde dünyağa keldi. Köy mektebini bitirgen soñ [[Canköy]]de yedi yıllıq mektepke oqumağa kirdi. 1925 senesi pedagоgik tehnikumnı bitirir eken onı [[Qazan]] universitetine oqumağa yollaylar. 1930 senesi universitetni muvafaqiyetnen bitire ve ocalıq yapıp başlay. Ocalıq yapqan yılları [[Aqmescit pedagоgik institutı]]nda ğıyabiy oquy ve 1940 senesi bitirip çıqa. [[Aqmescit|Aqmescit]]teki 12-ci orta mektepniñ oquv işleri müdiri olıp çalışa. Ablây Şamil yaş nesilni terbiye etüv işine can yürekten berilgen ilk sovet ocalarından biri edi. O, aynı vaqıtta matbuatta aktiv iştirak etken mühbir, edebiy mecmualarda öz ikâyelerinen, til ve oquv metodikaları aqqında meraqlı maqalelerinen çıqışlarda bulunğan aktiv bir pedagogika mütehassısı ve yazıcı edi.