'''Eminek mırza''' - XV asırda [[Qırım Hanlığı]]na temel qoyğan sülâlelerden [[Şırın]] sülâlesiniñ reisi.
XV asırnıñ başlarında [[Altın Ordu]]daki taht qavğaları sebebinen bir talay boy - sülâle [[Deşt-i Qıpçaq]]tan qaçıp Qırımğa sığına edi. Bu sülâleler zaman içinde Qırımdaki ükümranlıqlarınükümranlıqlarnıñ tayininde quvet qazandı. Bulardan [[Şırın]], [[Arğın]], [[Qıpçaq]], [[Barın]] sülâleleri eñ quvetlileri edi. Qırım sülâle meclisinde dört qaracı degen mınav sülâlelerniñ reisleriniñ olurı olmadan iç bir müim qarar alınamay edi. Bularnıñ içinde eñ quvetlisi 1437 senesinde Qırımğa köçken Şırın sülâlesi edi. Bu sülâleniñ reisi aynı vaqıtta sülâleler meclisinede reislik ete edi.
[[Cengiz Han]] tamırından kelgen [[I Hacı Geray]]nıñ hanlıq qurması Şırın sülâlesi sayesinde oldı. Eminek mırza Qırımda eñ çoq lafı keçken adam edi. Hanlıqnıñ qurulmasına temel qoyğan Şırın sülâlesinden olğanı içün onıño munasip körmegenikörmegen iç kimse tahtqa keçemeykeçip olamay edi. Eminek mırza I Hacı Geray vaqtında ve onıñ vefatından soñra balaları arasındaki taht qavğalarında müim tesiri bar edi. [[Nur Devlet]]ke qarşı [[I Meñli Geray|Meñli GeraynıGerayğa]] desteklediqol tuttı.
Eminek mırza, I Hacı Geray han yarlığında Qırım askeriyesiniñ başı dep körüne. Özü [[Osmanlı]] padişası [[Fatih Sultan Mehmed]]ge eki kere bitikmektüp yazıp yiberdi. Devirniñ eñ quvetli ükümranınen doğrudan muhatap ola bilmesi, Eminek Mırzanıñ Qırımda tesirini köstermekte. Mınav bitiklerdenmektüplerden ekincisinde Meñli Geraynı [[Qırım]]ğa yibermesini ve oña özüniñ sözünden çıqmamasını padişadan tenbilemesini istey.
