Osman Asanov: Versiyalar arasındaki farq
Content deleted Content added
kDeñiştirme tasviri yoq |
k prefixes |
||
1 satır:
'''Osman Asanov''' (1923 dekabr 24 - 2005 noyabr 24) - belli qırımtatar yırcı ve оcadır.
Osman Asanov 1923 senesi dekabr 24-te [[Yalta|Yalta]] civarındaki [[Küçükköy|Küçükköy]]de doğdı.
Oğlançıq yaş ekende babası bağışlağan eski mandolinanı çalmağa ögrengen Osman mektepke barğanda endi yahşı çalmağa bile edi.
Osman 1939 senesi doquzıncı sınıfnı bitirgen soñ, [[Aqmescit|Aqmescit]]teki Çaykovskiy adına muzıka oquv yurtuna oqumağa kire. Anda o Y. Boçarov, İ. Çernov kibi professorlardan tasil aldı. Teessüf ki, apansızdan başlanğan cenk Osmannıñ arzu – ümütlerini çil – parça etti. Oquv yurtu qapatıla ve o oquvnı Yalta pedagogika oquv yurtunda devam ettire.
1944 senesi bütün [[Qırımtatar halqı|qırımtatar halqı]] kibi olarnıñ qorantası da [[Özbekistan|Özbekistan]]ğa sürgün etile. Olar [[Namangan vilâeti|Namangan vilâeti]]niñ Çust rayonına tüşeler.
1957 senesi Osman Asanov [[Taşkent|Taşkent]]te yañı teşkil olunğan qırımtatar oyun ve yır ansambline (soñundan o "Qaytama" dep adlandırıldı) yırcı ve çalğıcı olaraq işke davet olundı. O bu kollektivnen [[Qazahistan|Qazahistan]], [[Kavkaz|Kavkaz]], [[Rusiye|Rusiye]] boylap gastrollerde bulundı.
Osman Asanov "Ural dağı", "Tatarlığım", "Menim adım Seyit oğlu Seydamet" kibi halq yırlarını icra etkende adamlar ağlay ve alğışlay ediler. Onıñ bir sıra yırları gramplastinkalarğa, radio ve televideniye içün yazıp alındı.
14 satır:
Soñundan Osman Asanov Namangan muzıka oquv yurtunda oqudı, Taşkent konservatoriyasınıñ vokal bölügini bitirdi.
1964 senesi aileviy sebepten [[Ferğana|Ferğana]]ğa köçip ketti ve 25 yıl devamında andaki muzıka mektebinde kemane ve muzıka nazariyesinden ders berdi.
Bugün de onıñ talebeleri [[Avstriya|Avstriya]], [[Almaniya|Almaniya]], [[Belgiya|Belgiya]], [[İsrail|İsrail]] kibi memleketlerniñ belli orkestrinde çalışalar.
Osman Asanov 1991 senesi Vatanğa köçip keldi ve mında ömüriniñ soñuna qadar bütün medeniy tedbirlerde ğayet faal iştirak etti. Bunı köz ögüne alaraq oña Ukrainada nam qazanğan artist unvanı berildi.
| |||