'''Mangup Qale''' — qadimiy şeer-qale, Feodoro kinazlığınıñ paytahtı, soñra türk qalesi. Qırımda [[Bağçasaray rayonı]]<nowiki/>nda [[Qoca Sala]] köyü civarındaki Mangup platosında (Baba qaya dağı) yerleşe. Anda yaşağan soñki sakinleri bir qaç asırdan evel kettiler.
== Ad ==
MangupnıñMangup Qaleniñ zemaneviy adı (onıñ peyda oluvı aqqında bir qaç versiya bar) tek 1475 senesinden soñ tarqaldı. 14-15 asırlarda şeer Feodoro olaraq belli edi. Mangup, bu VII—IX as. bizans menbalarında çıqqan Doros şeeri olğanı aqqında fikir faraziydir.<ref>Вортман Д. Я. [http://www.history.org.ua/?termin=Mangup_pamyatka_misto МАНГУП (Мангуп-Кале), археологічна пам'ятка і давнє місто] [Електронний ресурс] // Енциклопедія історії України: Т. 6: Ла-Мі / Редкол.: В. А. Смолій (голова) та ін. НАН України. Інститут історії України. — К.: В-во «Наукова думка», 2009. — 790 с.: іл.</ref>
Rus tilşınası Oleg Trubaçövniñ fikrine köre, MangupnıñMangup Qaleniñ adı [[İnd-Avropa tilleri|ind-avropa]] «<tt>man kap</tt>» — «dağlarnıñ anası» sözlerinden kele. Soñra qırımtatarlar adnı «<tt>Baba dağ</tt>» — «babanıñ dağı» olaraq tercime ettiler. Amma ilk sefer Mangup adı X as. hazar menbalarında peyda ola. Onıñ içün, o, ind-avropa tillerinden degil, türk tillerinden kelip çıqqanı aqqında aytmaq mümkün. Bunen beraber, tarihçı Oleg Vusnıñ fikrine köre, Mangup adı qadimiy german tillerinden kele, çünki belli ki, Mangup Qale civarlarında uzun zaman gotlar yaşağan ediler.<ref>''Вус О. В.'' Оборонна доктрина Візантії у Північному Причорномор'ї: інженерний захист Таврики та Боспора в кінці IV –– на початку VII ст. –– Львів: Тріада Плюс, 2010. –– С. 243––244.</ref>