Tatarlar [[Qırım Hanlığı|Qırım]] hanlarınıñ unvanında añılğan edi — «... '''sansız köp tatar ... padişahı'''». Meselâ, 1634 senesi [[Canibek Geray]] Lehistan qıralına şöyle yazğan: «…''[[Aqkermen|Aqkermanda]] olan tatardan ve [[Qırımtatarlar|Qırımda olan tatardan]], ve ğayrıdan Leh vilâyetine ve köy ve kentlerine zerre qadar zarar ve ziyan olmazdır''…»; [[Murad Geray]] muhabbetnamesinde şöyle yazğan: «''qamu tatarnıñ … uluğ padişahı''…padişah». 1642 senesi Qırım beyi Cantemir çar [[Mihail Födoroviç]]ke şöyle yazğan: «…''cümle [[Qırımtatarlar|Qırım tatarlarnı]] … cavlay cibermeske''…». Canibek Geray seferden [[Bağçasaray]]ğa qaytqanda: «…''barça asakir-i tatar birle sağ ve salim mübarek Bağçasaray tahtımızğa kelip olturdıq''…» dep yazğan. [[Osmanlı Devleti|Osmanlı]] vesiqalarında Qırım hanlarına sıqça "tatar hanı" dep aytılğan: «…''Leh qıralı, tatar hanına virgüsin her sene vaqtıyle tamaman gönderüb, dostluq eyleye''…»<ref name ="Avdet>[https://avdet.org/ru/2017/01/20/k-istorii-krymskotatarskoj-diplomatii-7/ К истории крымскотатарской дипломатии / 7]</ref>.
==== [[Evliya Çelebi]]niñ tarih eserlerinde tatarlar ====
