[[1236]]—[[1240]] seneleri [[Avropa]]nıñ cenüp-şarqiy topraqları [[Batu han]] komandanlığındaki tatar-moğolöz orduları tarafından fetih etilip Altın Ordu devleti quruldı. [[Harezm]], [[Edil Bulğar devleti]], Şimaliy [[Kavkaz]], [[Qırım]] kibi eski qavmiy-medeniy ülkeler de bu devletniñ içine dail olundı. Bundan sebeptir ki, Altın Ordu devletiniñ 200 yıllıq akimiyetiniñ ([[1243]] - [[XV asır]]nıñ birinci yarısı) neticesinde Sibirniñ ğarbından [[Özü özeni]]ne qadar uzanğan keniş topraqlarda aynı iqtisadiy qurulışı, mentalitet, medeniyet ve dinge saip olğan bir millet şekillenip olamadı. XV asırnıñ birinci yarısında Altın Ordunıñ tam olaraq dağılmasından soñ yerine [[Qırım Hanlığı|Qırım]], [[Qazan Hanlığı|Qazan]], [[Hacı Tarhan Hanlığı|Hacı Tarhan]], [[Sibir Hanlığı|Sibir]] ve [[Ulu Ordu]] kibi mustaqil hanlıqlar ortağa çıqtı. Ulu Ordu hanları özlerini Altın Ordu mirasçılarından sanıp XV asırnıñ ekinci yarısı devamında Cuçi Ulusınıñ bütünligi yañıdan qurulması üzere askeriy ve diplomatik kirişimlerde bulunsalar da yañı mustaqilliklerini qazanğan devletlerniñ ket-kete artqan tirenişleri ile qarşılaşmaqta edi. Bu devirde [[Moskva]] knâzlığında ayrımcılıq kirişimleri küçlendi.
Qırım ile Ulu Ordu arasında askeriy zıddiyet deñişken neticeler ile kelişmekte edi. [[1474 senesi]] Moskva knâzı [[III İvan]] ile Qırım hanı [[I Meñli Geray]] arasında ittifaq antlaşması imzalandı.
