“Bekir Çoban-zade” saifesiniñ versiyaları arasındaki farq

k
prefixes
k
k (prefixes)
'''Bekir Vaap oğlu Çoban-zade (Sıdqiy)''' (1893 mayıs 15 - 1937 оktâbr 13) - ulu qırımtatar medeniyet erbabıdır.
 
Bekir Çoban-zade 1893 senesi mayıs 15(27)-te [[Qarasuvbazar|Qarasuvbazar]] şeerinde, çoban Vaap aqaynıñ qorantasında doğdı. İlk ve orta tasilini Qarasuvbazardaki ruşdiye mektebinde aldı. 1909 senesi [[İstambul|İstambulğa]] ketip, "Sultanyie" litseyinde (şimdiki Galatasaray litseyi) oqumağa kirdi. Aynı zamanda andaki "[[Qırımtatar talebe cemiyeti|Qırımtatar talebe cemiyeti]]" adlı siyasiy teşkilâtqa aza oldı.
 
1914 senesi [[I Cian cenki|I Cian cenki]] başlanğanı sebebinden, Qırımğa qayttı. 1915 senesi [[Ades|Ades]]ke ketip, az bir müddet andaki institutlarda rusça oqudı. 1916 senesi [[Macaristan|Macaristan]]ğa yollanıp, Budapeşt universitetiniñ şarq tilleri şübesine kirdi. Universitette oquğan vaqtında XII asırğa ait "[[Kodeks Kumanikus|Kodeks Kumanikus]]" adınen belli olğan qırımtatar yazma yadikârlığı üzerinde çalışaraq, 1919 senesi mayıs 18-de onı doktorlıq dissertatsiyası sıfatında qorçalap, professorlıq ilmiy unvanını qazandı. Bir qaç vaqıtlar Budapeşt ve Lozanna universitetlerinde çalıştı.
 
1920 senesi iyül 8-de Qırımğa qaytıp, Totayköydeki pedagogika tehnikumında ocalıq etti. 1922 senesi Qırım universitetiniñ şarq şübesine işke kirdi. 1924 senesinden repressiyağa oğramasına qadar Azerbaycan universitetinde çalıştı. Öz deviriniñ eñ körümli türkşınaslarından olaraq, olarnen ilmiy maqale ve kitallar neşir ettirdi.
 
"Anañ qayda?" adlı ilk şiiri 1913 senesi İstanbulda çıqqan "Yaş tatar yazıları" mecmuasında neşir olundı. Bir çoq şiirleri 1928 senesi Aqmescitte basılğan "Boran" kitabında, 1935 senesi [[Rоmaniya|Rоmaniya]]da çıqqan "Qırım şiirleri" cıyıntığında, 1955 senesi İstanbulda Battal Taymaz tarafından azırlanılğan "Qırımlı Bekir Çoban-zadeniñ şiirleri" kitabında, 1971 senesi Taşkentte basılğan "Şiirler" kitabında dünya yüzü kördiler.
 
Bediiy icadınıñ eñ gürdeli deviri - Budapeştte oquğan deviri oldı. O yılları yazıp qaldırğan "Qaval sesleri" adlı elyazması yaqınlarda Türkiyede neşir etildi.
0

edits