'''Mustafa Edige Qırımal (Şinkeviç)''' ([[1911]] - [[1980]]) — [[qırımtatar milliy areketi]]niñ belli erbabı.
Mustafa Edige Şinkeviç [[1911]] senesinde [[Bağçasaray]]da dünyağa keldi. [[Lipka Tatarlarıtatarları]]ndan olğan babası [[Mustafa ŞinkieviçŞinkeviç]] 1911 senesinde Bağçasarayğa köçken edi. İlk ve orta tasilini [[Yalta]] şeerine pek yaqın olğan (bugün Yaltanıñ bir maallesi olğan) Qırımtatarlarnıñ yaşağan [[Dereköy]] köyünde yasadı. Lise tasilini Yaltadaki Rus lisesinde bitirdi. [[Rus tili]]ni pek aruv ögrendi. Yüksek tasiline devam etmek içün Qırımnıñ merkezi [[Aqmescit]] şeerine ketti. Pedagogika Yüksek İnstitutına yazıldı. 1923-den 1927 senesine qadar Qırımda sürgen milliy areket teşkilâtı çalışmalarına qoşuldı. Areketke qatılğanlar aqqında başlatılğan taqip ve tutuqlamalardan qurtulması içün [[Azerbaycan]]ğa qaçtı. Daa soñra [[İran]]ğa, o yerden de 1932 senesinde [[İstanbul]]ğa bardı.
Edige, İstanbulda Qırım Milliy Merkezi reisi [[Cafer Seydamet Qırımer]] ve diger Qırım milliyetçilerinen tapıştı.
