IV Mehmed Geray: Versiyalar arasındaki farq

'''IV Mehmed Geray''' (1610 s. d. – 1674 s. ö.) - [[Qırım hanları|Qırım hanıdır]]. "Sofu Mehmed Geray han" olaraq da belli. 1641 – 1644 ve 1654 – 1666 senelerinde eki kere ükümdarlıq sürgen. [[Lehistan]] ve Ulu [[Litvaniya]] Prinsligi ile ittifaq siyasetini ötkergen. IV Mehmed han olğanından ğayrı diniy ve felsefiy şiirler yazğan meşur bir şairdir. Şiirlerinde "Kâmil" tahallüsini qullanğan. Hanlığı vaqtında memleketiniñ abadanlaştırıluvı ve medeniy yaşayışına ayrıca emiyet bergen. Sofu Mehmed Geray han zamanında [[Evliya Çelebi]] Qırımnı ziyaret etip, hanlıq devrindeki Qırımnıñ ayatı, paytahtı olğan [[Bağçasaray]]daki yaşayış ve hannıñ özü aqqında malümat toplap yazğanı içün o malümatlar künümizge qadar saqlandı.