“Amet-Han Sultan” saifesiniñ versiyaları arasındaki farq

k
prefixes
k (prefixes)
'''Amethan Sultan оğlu Sultan''' ({{Lang-crh-ar|احمدخان سلطان اوغلى سلطان}}) - belli arbiy uçucı, [[II Cian cenki|II Cian cenki]] iştirakçi, [[Şuralar Birligi|Şuralar Birligi]]niñ eki defa qaramanı.
 
Amethan Sultan 1920 senesi [[Alupka|Alupkada]] doğdı. [[Aqmescit|Aqmescitte]] FZO mektebinde oqudı. Bundan soñ, ustanıñ şegirdi olaraq, parovoz deposında çalıştı. Aynı vaqıtta aeroklubğa qatnap oqudı. Arbiy uçucı olmaq istegi onı [[Aqyar|Aqyar]] yaqınlarındaki Qaçı aviatsiya mektebine alıp keldi. On doquz yaşında bu mektepniñ kursantı oldı.
 
Amethan Qaçı mektebini [[II Cian cenki|II Cian cenki]] başlamazdan bir yıl evel bitirdi ve [[ŞSCB|ŞSCB]]niñ ğarbındaki qısımlardan birine hızmet etmege yollandı.
 
Amethan ve onıñ silâdaşları quveti qat-qat artqaç olğan ava duşmanına qarşı küreşte aqranı olmağan erlik, cesaret ve qaramanlıq kösterdiler.
Qızıl bayraqlı gvardiya qırıcı aviatsiya polkunıñ eskadrilya komandanı Amethan Sultan 359 uruşta bulundı. Şahsen özü on bir duşman uçağını urıp tüşürdi. Gruppa ile olğan ava çatışmalarında ise 19 duşman uçağını ğayıp etti. Bundan ğayrı, Stalingrad cebesinde 110 cenkâver uruşta bulundı, şahsen özü altı uçaq urıp tüşürdi ve gruppa ile olğan ava cenkinde yedi duşman uçağını ğayıp etti.
 
Bu fedakârlığı içün Amethanğa 1943 senesi avgust 24-te, ükümetniñ qararı mücibi ile, [[Şuralar Birligi Qaramanı|Şuralar Birligi Qaramanı]] unvanı berildi.
 
Amethan ava cenkiniñ büyük ustası ve aqiqiy ass oldı. 1942 senesi mayıs 31-de Yaroslavl töpesinde "Yunkers-88" uçağını özü uçağınıñ kevdesi ile urıp yerge tüşürgende, ekipajdan eki nemse uçucısı esir alındı, ekisi uçaq içinde yandı. Amethan özü ise avadan yerge paraşüt ile tüşip qurtuldı. O, Şarqiy Prussiyada altı uçaq urıp tüşürdi. 1945 senesi yanvar 18-de dört biñ metr yükseklikte yigirmi beş nemse uçağına qarşı bir özü çıqıp, üç uçaqnı urıp tüşürdi.
Devrimizniñ acayip adamı, qırımtatar halqınıñ iftiharı Amethan Sultan 1971 senesi fevral 1-de yañı uçaq sınavı vaqıtında elâk oldı.
 
Bugün [[Aqmescit|Aqmescit]], [[Alupka|Alupka]] ve [[Mahaçqala|Mahaçqala]] şeerleriniñ meydan ve sоqaqları Amethan Sultannıñ adı taşıylar.
 
[[Category:II Cian cenki qaramanları]]
0

edits