Kuzma Skrâbin
Kuzma Skrâbin (ukraince Кузьма Скрябін; aqiqiy adı Andriy Viktorovıç Kuzmenko (ukraince Андрій Вікторович Кузьменко); 1968 s. avgust 17, Sambir ş., İlbav vilâyeti, Ukrain ŞSC – 2015 s. fevral 2, Lozuvatka qas., Dnipropetrovsk vilâyeti, Ukraina) – ukrainalı yırcı, icracı müellif, çalğıcı, "Skrâbin" belli taqımınıñ frontmeni, yazıcı, "Şans" ve "Şeykanemo" teleyayınlarınıñ ötkericisi (2003), "Poyuşçiye trusı" taqımınıñ prodüseri (2008), aktör.
| Kuzma Skrâbin | |
|---|---|
| ukraince Андрій Кузьменко | |
 | |
| Doğğan künü | 1968 avgust 17 |
| Doğğan yeri | |
| Ölgen künü | 2015 fevral 2 (46 yaşında) |
| Ölgen yeri | |
| Memleketi | |
| Zenaatı | yırcı, yazıcı, aktör, tiş ekimi, yır sözleri yazğan şair, bestekâr, muzıka prodüseri, televizion ötkericisi, radio ötkericisi, ekim, rock singer, şair |
| Baba | Viktor Kuzmenko[d] |
| Ana | Olha Kuzmenko[d] |
| Ömür arqadaşı | Q122818649? |
| Balalar | Q122818737? |
| Mukâfatlar |
   |
| Saytı | skryabinfund.com |
 Медиафайлы на Викискладе | |
Ruslananıñ "Dıki tantsi" degen meşur albomından "Skaji meni" yırınıñ sözlerini Kuzma yazğan.
Andriy Kuzmenko Ukrainanıñ İlbav vilâyetinde Sambir şeerinde dünyağa keldi: babası – müendis, anası – muzıka ocası; qorantasında yekâne bala edi. Fortepiano sınfından muzıka mektebini bitirdi. 1986-1987 ss. orduda hızmet etti. 1993 senesi İlbav tibbiyet insitutını bitirdi.
2014 senesi yanvarniñ soñunda Yevromaydan vaqialarına bağışlanğan bir yır yazğan edi, şu yırda o, siyasiy muhalifet tarafında degil de, Maydanda olğan adamlarnıñ tarafında olğanını bildirdi. 2014 senesi devamında ATOda hızmet etken ukrain askerleri ve yaralanğanlarına yardım ete edi.
Fevralniñ 2 künü sabası Dnipropetrovsk vilâyetinde yırcınıñ Toyota Sequoia maşnası süt taşığan bir tsisternanen çatıştı. Andriy Kuzmenko qaza yerinde elâk oldı[1][2]. Bir kün evel ise, fevral 1 künü, resmiy "Skrâbin"niñ YouTube videokanalında "Delfinı" (ukr.) degen klip taqdim etilgen edi[3]. Qazadan bir afta evel "Skrâbin"niñ "Kinets filmu"[4] (ukr.) degen yırı çıqqan; bu yır Kuzmanıñ planlaştırğan yañı 21-inci tolu albomına kirecek edi.
Yaqın dostlar ve zenaatdaşlar olıp, Ruslana ve ömür arqadaşı Oleksandr Ksenofontov Andriy Kuzmenkonıñ hatırasına bir gecede yazılğan "Tı şçe vidkrıyeş oçi" degen yırnı bağışladılar[5][6].
Kitapları
deñiştirMenbalar
deñiştir- Andriy Kuzmenkonıñ Facebook saifesi
- Resmiy Andriy Kuzmenkonıñ YouTube kanalı
- Kuzmanıñ resmiy video blogu 3 fevralniñ 2015 s. arhivlengen. luxtv.ua
- Kuzma Skrâbinniñ 47 muzıka yılları espresso.tv
- Oleksandr Polojınskıy, Oleg Skrıpka, Camala, Svâtoslav Vakarçuk, Mariya Burmaka, Natalya Mogılevska, Ruslana, Oleksiy Moçanov, Petro Poroşenko, Anatoliy Grıtsenko, Oleksandr Turçinov Kuzmanıñ hatırısına 24tv.ua
Atıflar
deñiştir- ↑ Yol qazasında "Skrâbin" taqımınıñ lideri vefat etti espreso.tv
- ↑ Oleksiy Moçanov yolqaza aqqında
- ↑ Skrâbin – "Delfinı" YouTube, 1/02/2015
- ↑ Skrâbin – "Kinets filmu" YouTube'de audio yazısı
- ↑ Ruslana ve O. Ksenofontov Kuzmanıñ hatırasına YouTube, 4/02/2015
- ↑ [https://www.facebook.com/ruslana.lyzhychko.5/posts/838122322916646 Ruslana "Tı şçe vidkrıyeş oçi" aqqında
- ↑ "Ya, Paştet i Armiya" kitabını diñlemek --> deezer.com