Kalamita

Kalamita — orta asır bizans qalesidir. Onıñ qalımtıları Çorğuna özeniniñ ağzı yanında (İnkerman), platoda, Manastır Qayanıñ cenübiy ğarp qısmındadır. Şimdi tek bazı qulleler ve diger qoruyıcı qurulışlarnıñ viranesi saqlanıp qaldı. «Kalamita» toponimi yañı yunan tilinden «güzel deñiz burnu», eski yunan tilinden ise «qamışlı» dep tercime etile. Qale «Tavriya Hersonesi» milliy qoruğınıñ filialıdır.

Tarif

Qale dört qale divarınen bitişip altı qulleden ibaret olğan edi. Qale buttan ve kireçtaş bloklarından qurulğan edi. Qoruyıcı divarlarnıñ qalınlığı 1,2 metrden 4 metrge, qullelerniñ yüksekligi ise 12 metrge qadar yete edi. İnşaatnıñ umumiy uzunlığı — 234 metr, meydanlığı ise qararnen 1500 m².

Şimdiki Kalamita — yarı viran olğan qulleler ve divarlarnıñ qalımtıları, qoba-kazematlarnen olğan taş or ve evelleri kilse bulunğan yerdeki büyük ağaç haçtır. Qale astında — İnkerman aqay manastırı.

Edebiyat

• Бертье-Делагард А.Л. Каламита и Феодоро.— Известия Таврийской ученой архивной комиссии, 1918.— Вып. 55.
• Веникеев Е.В. Севастополь и его окрестности.— М.: Искусство, 1986.

Bağlantılar

• Каламита-Инкерман (Пещерная крепость) 17 dekabrniñ 2014 s. arhivlengen.
• Інкерман. Печерний монастр і фортеця Каламіта. Чудова фототека 29 oktâbrniñ 2014 s. arhivlengen.