Gilgameş destanı

Gilgameş destanı ya da Er şeyni körgen aqqında (akkadca ša nagba imuru) - insaniyetniñ eñ eski edebiy eserlerden biridir, çüy yazısınen yazılğan eñ büyük eser, Qadimiy Şarq edebiyatınıñ eñ güzel eserlerinden biridir. Destan, ME XVIII–XVII asırdan başlap bir buçuq biñ yıl devamında Şumer ikâyelerine tayanaraq akkad tilinde yazılğan. Eñ eksiksiz şekilni, XIX asırnıñ ortalarında, Ninovadaki qıral Aşurbanipalnıñ çüy yazılı kütüphanesi qazılğanda tapıldı. O, ME VII asırda 12 altı sutunlı cedvel üzerine küçük çüy yazısınen yazılğan ve qararnen 3 biñ şiirden ibaret. XX asırda da, Hurri ve Hitit tillerinde de destannıñ diger versiyalarınıñ parçaları tapıldı.

Gilgameş resimli relyefi. Anadolu medeniyetleri müzeyi, Anqara, Türkiye