Gülbün-i hanan yahut Qırım tarihı
Gülbün-i hanan yahut Qırım tarihı (osmanlıca گلبن خانان ياخود قريم تاريخى – Gülbün-ü hânân yahud Kırım tarihi) — Halim Geray sultannıñ yazğan Qırım hanlığı ve ükümdarlarınıñ tarih kitabı. Kitap klassik osmanlı tilinde yazılğan ve 1811 senesi İstanbulda neşir etildi. Eserde qırq dört Qırım hanı aqqında malümat berilgen.
İçindekiler
deñiştirKitapnıñ müellifi Halim Geray - Şehbaz Geraynıñ oğlu, Arslan Geray hannıñ torunı. Halim Geray Hansarayda terbiyelendi, anda tasil aldı ve şiiriyet qabiliyetine saip oldı. Onıñ içün, öz soy tarihını öz ağızından bilip, 44 Qırım hanınıñ ayatı ve muvafaqiyetlerini tafsilâtlıca beyan etti.
Neşirler
deñiştirEserniñ ilk neşri müellifi daa sağ olğanda, 1811 senesi İstanbulda basılğan edi. 1806-1812 Rus-Osmanlı cenki vaqtında basılğanı ve müellifniñ özü şu cenkte iştirak etkeni içün kitap o zaman aktual edi.
1909 senesi Ablâkim İlmiy kitapnı adiy halqqa añlaşılmağan klassik osmanlıcadan yañı osmanlıcağa çevirip yañıdan neşir etti.
Menbaları
deñiştir«Halim Giray, Gülbün-ü Hânân (Kırım Hanları Tarihi)», Yayına Haz. Alper Başer-Alper Günaydın, İstanbul Üniversitesi, Avrasya Enstitüsü Yayınları, İstanbul, 2013, 16 x 24 cm., V+121+59 s. tıpkı basım sayfa, Türkçe, Karton kapak. ISBN 978-605-860-900-6. стор. («Gülbün-ü Hânân» турецькою мовою із біографією, аналізом творчості та роз'ясненнями (тур.));