Avropa Qırımtatar Medeniyet Merkezi

Avropa Qırımtatar Medeniyet Merkezi - Almaniyanıñ Giessen şeerinde 1993 senesi qurulğan cemiyet. Reisligini Rafet Karanlık yapa. Cemiyet Qırımtatar Milliy Meclisiniñ tanıtılmasınen beraber yolbaşçımız Mustafa Abdülcemil Qırımoğlunıñ Avropadaki ziyaretleriniñ ve Qırım içün Qurban Bayramlarında, qurbanlarnıñ öz vatanımız Qırımda kesilmesiniñ teşkil etilmesine sebep oldı.

2000 senesi fevral ayında merkez Almaniyanıñ Essen şeerinde olğan Türkiye Araştırmalar Merkezi ile Berlinniñ 'think tank' teşkilâtı Deutsche Gesellschaft für Auswärtige Politik'de "Bir armoni modeli olarak Qırım" isimli workshopnı teşkil etti. Almaniy Tış İşler Nazirligine yaqın olğan bu teşkilâtnıñ ev saibi olğanı workshopnıñ baş musafiri olaraq Qırımtatar Milliy Meclisi Reisi Mustafa Abdülcemil Qırımoğlu, qonuşmacılar Aleksandr Pramenenko - Berlindeki Ukraina Sefiri, Aleksander Rar - Rusiye lideri Putinniñ Avropa Müşaviri, Ahmet Özay - Qırımtatar Milliy Meclisi Reisiniñ Avropa Müşaviri, Nadir Bekir Qırımtatar Milliy Meclisi Reisiniñ tış işleri Müşaviri qoşuldılar.

Aynı sene teşkilât Avropa Şurası - Strasburg, NATO - Brüksel ve Felemenk Parlamentinde - Lahey bir talay faaliyet yaptı.

Bunıñ yanında teşkilât sürgünlikte 1980 senesi aprel 22 künü 69 yaşında vefat etken Doktor Mustafa Edige Qırımalnıñ mezarını 2007 senesi mayıs 18 künü, Münhenden avuştırıp, İstanbul üzerinden Bağçasarayğa ketirdi. Böylece, Qırımal Münhende sügünlikte vefatından tam 27 sene soñra öz vatanında İsmail Gasprinskiy mezarınıñ qatına kömüldi.

Bağlantılar deñiştir