Arap-İsrail davası

Araplar ve İsrail arasındaki dava ya da Arap memleketleri ve İsrail arasındaki cenk - bir taqım arap memleketleri ile İsrail nezaretinde (işğal altında) bulunıp Filistin topraqlarındaki yerli arap ealisiniñ bir qısmı tarafından qoltutulğan arap silâlı radikal gruppaları bir taraftan ve diger taraftan sionizm areketi, soñ İsrail devleti arasındaki zıtlaşuv.

İsrail devleti 1948 senesi qurulğanına baqmadan, aqiqaten davanıñ tarihı bir yüzyıllıqnı qaplap ala, yani XIX asırnıñ soñundan, yeudiler öz devletleri oğrunda küreşiniñ temelini qoyğan siyasiy sionizm ruhu yaratılğanından başlana.