Arabat beli
Arabat beli — Qırım Muhtar Cumhuriyeti ve Herson vilâyetindeki Azaq deñiziniñ ğarbiy tarafında yerleşken qumlu bel-yarımada.
Umumiy malümat
deñiştirArabat beliniñ uzunlığı — 115 km, keñligi — 270 m-den 7,5 km-ge qadar. Onıñ özüne has tuzlaq ösümlikleri bar (salicornia, limonium, halocnemum). Rekreatsiya bölgesidir. Cenübiy tarafında Arabat muvaqqat qoruğı yerleşe. Arabat beliniñ şimaliy, daa yüksek ve keniş qısmında ise, Çoqraq ve Geniçesk gölleri yerleşe. Geniçesk gölünde tuz elde etile.
Şimdiki zaman
deñiştir2014 senesi martnıñ 5-de Qırım Rusiye tarafından işğal etilgeni vaqıt, rus orduları Arabat beline kirip, onıñ cenübiy qısmını işğal ettiler. Bunen beraber, 2014 senesi martnıñ 15-den dekabr ayına qadar, işğalciler Arabat beliniñ tek Qırım tarafını degil, Hersondaki qısmını da nezaret ete ediler. O vaqıt, nezaret sıñırı Herson vilâyetiniñ Çoqraq köyüniñ cenübinde keçe edi. Şimdi belniñ şimaliy topraqları Herson vilâyetiniñ Geniçesk bölgesine, cenübiy topraqları — Yedi Quyu bölgesine ait ola.
Edebiyat
deñiştir- Українська радянська енциклопедія : у 12 т. / гол. ред. М. П. Бажан ; редкол.: О. К. Антонов та ін. — 2-ге вид. — К. : Головна редакція УРЕ, 1974–1985.
- Географічна енциклопедія України. Київ, 1989.
- Гійом Левассер де Боплан. Опис України. Київ, 1990.
- Эварницкий. Д. И. Иван Дмитриевич Сирко, славный кошевой атаман войска запорожских низовых козаков. С.-Петербург, 1894.