Alplar

Alplar (frenkçe les Alpes, almanca die Alpen, italyanca le Alpi, slovence Alpe) - Avropada bir dağlar sisteması. Aq deñiz yalılarından Frenkistan, İsviçre, İtaliya, Avstriya, Lihtenştayn, Almaniya ve Sloveniyadan keçip Orta Tuna alçaqlığına qadar bir çıqıq kemer şeklinde uzana. Dağ sistemasınıñ uzunlığı 1200 km, kenişligi 130-260 km ve yüksekligi 4810 m-ge qadardır (Mon Blan dağı). Alplar Ğarp ve Şarq Alplarına bölüne. İçinde Boden ve Komo gölleri buluna.

Alplar, fezadan bir fotoresim

Oberstdorf (Felhorn) yaqınlarındaki Alplar

İtaliya ve İsviçre arasındaki suv bölme yeri

Mon Blan massiviniñ campiçim temeli

İnsbruk, Tirol yaqınlarındaki İnn özeni vadiysi

"Alp" adı etimologiyasınıñ eki versiyası bar: ya latince montes albes — beyaz dağlar, ya da keltçe alb — yüksek, alpa — bayır.