Şuldan (qoba manastırı)

Şuldan — Şuldan dağında bulunğan Qırımnıñ qoba manastırı, milliy emiyeti olğan mimarcılıq abidesidir (№ 010096).

Coğrafiya

Eski Şüli köyünden 1,5 km şimalge buluna. «Şuldan» adı «akisseda bergen» dep tercime etile. Başqa şekiller: yunan ve qırımrumeli tillerinden — Qoba-qarılğaç ya da zapt olunmaz yer kibi tercime etile bile.

Manastır Şüli vadiysinde Şuldan dağnıñ cenübiy uçurımdaki qalede oyulğan. Cenüp tarafından oña Eski Şüli köyünden yol bar, şimal tarafından ise, Qafqa-Boğaznı keçip yetmek mümkün.

Tarih

Manastır VIII asırda Bizans İmperiyasından qaçqan keşişler tarafından qurulğan. Büyük ihtimalnen bu Afon keşişleri edi ve olarnıñ qobalarda manastırlar qurucılığınıñ tecribesi bar edi. Kelecekte büyük ihtimalnen Çilter Marama manastırınıñ bir qısmı edi.

Tasvir

Bugünge qadar 20-ge yaqın tabiiy ve suniy qoba saqlanıp qaldı. Eki qatta olğan qobalar bir-birine qalede oyulğan merdivennen bağlı olıp, bir manastır taqımını teşkil ete edi.

Galereya

• 
  Eski Şüli köyü üstündeki dağdan Şuldan qoba manastırınıñ körünişi
• 
  Qarşısındaki dağdan Şuldannıñ körünişi
• 
• 
• 
• 
• 

Edebiyat

• Матеріали до багатотомного «Зводу пам'яток історії та культури України». Місто Севастополь. — К., 2014. — С. 307—308.
• Герцен А. Г., Махнева-Чернец О. А. Пещерные города Крыма. — Севастополь: Библекс, 2006—192 с.
• Могаричев Ю. М. Пещерные церкви Таврики. — Симферополь: Таврия, 1997. — 384 с.
• Могаричев Ю. М. Крым. «Пещерные города». — Киев: Вища школа-XXI, 2011. — 280 с.
• Неделькин Е. В. Пещерный монастырь Шулдан в начале XXI в. // Материалы по археологии и истории античного и средневекового Крыма. — 2015. — Вып. 7. — С. 184—190.
• Горный Крым. Атлас туриста / ГНПП «Картографія», Укргеодезкартографія ; ред.: Д. И. Тихомиров, Д. В. Исаев, геоинформ. подгот. Е. А. Стахова. — К. : ДНВП «Картографія», 2010. — 112 с.

Menbalar

• «Şuldan» manastırı 15 iyülniñ 2021 s. arhivlengen.
• XXI as. başında Şuldan qoba manastırı