Çilter Qoba
Çilter Qoba — Qırımnıñ qoba manastırlarından biri. Aziz Feodor manastırı olaraq da belli. Bağçasaray rayonında, Belbek özeniniñ vadiysinde, Taş Bastı köyünden bir kilometr uzaqlıqta buluna. Manastırnıñ kompleksi bir-birine qaya oyulıp qurulğan yollarnen bağlı olıp, baş qoba ibadethanesi, ücreler ve aşhaneden ibaret. Manastır kompleksinden cenüp tarafına Hor-hor yılğasınıñ başında bir çoqraq bar.
Manastır, 4 qatta yerleşken 50-den ziyade qobadan ibaret.
Aşağı qatlarından birinde putperest ibadethanege oşağan beş direkli büyük hane ayırıla.
Manastır qararnen XIII—XIV asırlarda Feodoro kinazlığınıñ şimaliy sıñırlarında Süyren qalesi yanında qurulğan edi. Manastırnıñ baş ibadethanesi cefakeş Feodor (Teodor) Stratilat şerefine qoyulğan. XV asırda viran etilgen edi.
2000 senelerinden başlap, tamir işleri yapıla. Baş ibadethanesinde ayinler yañıdan başladı, ücrelerniñ bir qısmı ve çañ qullesi tamir etildi.
Bağlantılar
deñiştir- Çilter Qoba 23 dekabrniñ 2008 s. arhivlengen.
- Feodor Stratilat adına Qırım qoba erkek manastırı (Çilter Qoba)